సినీ పరిశ్రమలో మరో విషాదం.. ప్రముఖ నటుడు, రచయిత మృతి..

గతకొద్ది రోజులుగా వరుస మరణాలు చిత్ర పరిశ్రమను కుదిపేస్తున్నాయి.. టాలీవుడ్, బాలీవుడ్, కోలీవుడ్, శాండల్ వుడ్, మాలీవుడ్ ఇండస్ట్రీలకు చెందిన పలువురు సినీ ప్రముఖులు పలు కారణాల వల్ల మరణించారు. దీంతో, ఏ క్షణాన ఎలాంటి దుర్వార్త వినాల్సి వస్తుందోనని కంగారు పడుతున్నారు సినిమా పరిశ్రమ వర్గాలవారు.. ఇక సెలబ్రెటీలు వరుసగా కన్ను మూయడంతో వారి కుటుంబ సభ్యులే కాదు.. అభిమానులు సైతం శోక సంద్రంలో మునిగి పోతున్నారు..ఈ వారంలోనే సూపర్ స్టార్ కృష్ణ గారు, పంజాబ్ ఇండస్ట్రీకి చెందిన టాప్ హీరోయిన్ దల్జీత్ కౌర్ ఖంగురా కన్నుమూశారు..

ఈ విషాదం నుండి కోలుకోక ముందే మలయాళీ పరిశ్రమలో మరో విషాదం చోటు చేసుకుంది. ప్రముఖ నటుడు, రచయిత బి. హరి కుమార్ గురువారం (నవంబర్ 17) తుదిశ్వాస విడిచారు. మలయాళంలో కామెడీ కింగ్‌గా పేరొందిన నటుడు అదూర్ భాసి మేనల్లుడు, ప్రముఖ నవలా రచయిత సివి రామన్ పిళ్లైకి స్వయానా మనవడే ఈ హరికుమార్. ఆయన మరణానికి గల సరైన కారణాలు తెలియాల్సి ఉంది.. తిరువనంతపురంకు చెందిన హరి కుమార్ మొదట బ్యాంకు ఉద్యగోం చేశారు.

ఆ తర్వాత నటనపై ఆసక్తితో సినీ ఇండస్ట్రీ వైపు వచ్చారు. తన మేనమామ, అప్పటికే మాలీవుడ్‌లో కమెడియన్‌గా మంచి పొజిషన్లో ఉన్న అదూర్ భాసి ప్రోత్సాహంతో పలు చిత్రాల్లో నటించి.. తనకంటూ ప్రత్యేకమైన గుర్తింపు తెచ్చుకున్నారు. ఆయనకు భార్య శ్రీరేఖ, కుమారుడు హేమంత్ ఉన్నారు. హరి కుమార్ మలయాళ సాహిత్యంలో తన ప్రతిభ చాటుకున్నారు. నటుడిగానే కాకుండా మంచి రచయితగానూ పేరు తెచ్చుకున్నారు.

దాదాపు 14 నవలలు, 100కి పైగా కథలు రాశారు. అంతేకాదు, తన మేనమామ అదూర్ భాసిపై రెండు పుస్తకాలను కూడా ప్రచురించి ఆయన మీద అభిమానాన్ని చాటుకున్నారు. ఆ పుస్తకాలకు ‘చిరియుడే తంపురన్’, ‘అదూర్ భాసి ఫలితంగల్’ అనే పేర్లు పెట్టారు. హరి కుమార్ మృతి పట్ల కేరళ ముఖ్యమంత్రి పినరయి విజయన్, పరిశ్రమ ప్రముఖులు సంతాపం తెలియజేస్తున్నారు.

యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?

‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!