PSPK28: హరీశ్‌ శంకర్‌ సినిమా క్లాప్‌ ఎప్పుడు కొడతారు

రాజకీయాల్లోకి వచ్చాక పవన్‌ చాలా రోజులు సినిమాలకు దూరమ్యాడు. తిరిగి రీఎంట్రీ ఇచ్చాక దూరమైన రోజుల్ని కవర్‌ చేసేస్తాడనేలా వరుసగా సినిమాలు ఓకే చేసుకుంటూ వచ్చాడు. అయితే కరోనా రావడంతో మళ్లీ అన్నీ వాయిదా పడ్డాయి. ఆయన కుదటపడ్డాక లాక్‌డౌన్‌ వచ్చింది. దీంతో సినిమా చిత్రీకరణలు ఆగిపోయాయి. అయితే ఆయన చేయాల్సిన సినిమాల పనులు మాత్రం ఓవైపు నుండి జరిగిపోతున్నాయట. హరీశ్‌ శంకర్‌ దర్శకత్వంలో రూపొందనున్న సినిమా కోసం సెట్‌ వర్క్‌ పూర్తవ్వడమే దీనికి ఉదాహరణ.

పవన్‌ – హరీశ్‌ కాంబినేషన్‌లో మైత్రీ మూవీ మేకర్స్‌ ఓ సినిమా రూపొందిస్తోన్న విషయం తెలిసిందే. ఇందులో కీలక సన్నివేశాలు ఓ కాలేజీలో జరుగుతాయట. దానికి సంబంధించి భారీ సెట్‌ను రూపొందించాలని చిత్రబృందం భావించింది. ఆ పనిని పవన్‌ స్నేహితుడు ప్రముఖ ఆర్ట్‌ డైరెక్టర్‌ ఆనంద్‌సాయికి అప్పగించారు. గత కొన్ని రోజులుగా ఇదే పని మీద ఉన్న ఆనంద్‌సాయి సెట్‌ను పూర్తి చేశాడట. ఇక అక్కడ షూటింగ్ మొదలవడమే తరువాయి అంటున్నారు.

ముందుగా అనుకున్న ప్రకారం అయితే వచ్చే నెలలో ఈ సినిమా షూటింగ్‌ మొదలవ్వాలి. అది కూడా ఆ సెట్‌లోనే. అందుకే సెట్‌ వర్క్‌ను పూర్తి చేశారట ఆనంద్‌సాయి. ఆయన సెట్స్‌లో భారీతనం, వైవిధ్యం ఉంటాయి. మరిప్పుడు ఈ సినిమా కోసం ఎలా వేశారో చూడాలి. మరోవైపు పవన్‌ ‘అయ్యప్పనుమ్‌ కొషియమ్‌’రీమేక్‌, ‘హరి హర వీర మల్లు’ సినిమాలు చేస్తున్నాడు. వాటి షూటింగ్‌ వాయిదా పడిన నేపథ్యంలో వాటికి డేట్స్‌ ఎప్పుడు ఇస్తారో మరి.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!