Shaitan Trailer: సైతాన్ ట్రైలర్ .. మహి వి రాఘవ కూడా ఇలా మారిపోవాలా?

దర్శకుడు మహి వి రాఘవ.. పాటశాల, ఆనందో బ్రహ్మ , యాత్ర వంటి మంచి సినిమాలు తీశారు. యాత్ర 2 కూడా చేయడానికి చాలా కాలం క్రితమే ప్రీ ప్రొడక్షన్ పనులు మొదలు పెట్టినట్టు.. ప్రచారం జరిగింది. అయితే ఆ ప్రాజెక్ట్ కి ఇంకా టైం పట్టేలా ఉంది. 2024 ఎలక్షన్స్ టైంలో ఈ సినిమాని ప్రేక్షకుల ముందుకు తీసుకొచ్చే అవకాశం ఉండొచ్చు. ఇదిలా ఉండగా.. మహి వి రాఘవ సినిమా అంటే ప్రేక్షకుల్లో మంచి అభిప్రాయం ఉంది.

అయితే ఈయన ట్రెండ్ ఫాలో అవుతూ వెబ్ సిరీస్ లు చేస్తున్నారు. ఇటీవల సేవ్ ది టైగర్స్ అంటూ ప్రేక్షకుల ముందుకు వచ్చారు. ప్రియదర్శి, చైతన్య, అభినవ్ గోమఠం ప్రధాన పాత్రలు పోషించిన ఈ వెబ్ సిరీస్ కు చాలా మంచి రెస్పాన్స్ వచ్చింది. ఫ్యామిలీ ఆడియన్స్ కి ఈ సిరీస్ బాగా నచ్చింది. ఇదిలా ఉండగా.. వెంటనే మహి రాఘవ దర్శకత్వంలో సైతాన్ అనే మరో వెబ్ సిరీస్ రాబోతుంది. తాజాగా సైతాన్ వెబ్ సిరీస్ కు సంబంధించిన ట్రైలర్ రిలీజ్ చేశారు.

(Shaitan) ఈ ట్రైలర్ కనుక చూస్తే.. ఇది నిజంగా మహి వి రాఘవ్ తీసిన సిరీసేనా..? అనే డౌట్ వస్తుంది. ఈ ట్రైలర్ నిండా భూతులు, హింసే ఎక్కువగా ఉంది. తలలు నరకడం , పీకలు కోయడం .. ట్రైలర్ నిండా ఇవే ఉంది. సేవ్ ది టైగర్స్ లో లాయర్ పాత్ర పోషించిన దేవయాని ఘోరంగా భూతులు మాట్లాడటం… వంటివి అందరికీ షాకిచ్చాయి. దీంతో ఓ ఫ్యామిలీ వెబ్ సిరీస్ తర్వాత దండుపాళ్యం లాంటి వెబ్ సిరీస్ లు తీయాలా అంటూ కామెంట్లు వినిపిస్తున్నాయి.

ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!

టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు