బాలీవుడ్ హీరోయిన్ శ్రద్ధా కపూర్ ప్రేమలో ఉన్నట్లు కొంతకాలంగా వార్తలు వస్తున్న సంగతి తెలిసిందే. ఫోటోగ్రాఫర్ రోహన్ శ్రేష్ఠని ఆమె ప్రేమిస్తుందని ఇండస్ట్రీలో గుసగుసలు వినిపిస్తున్నాయి. గత మార్చిలో శ్రద్ధా కజిన్ వివాహ వేడుకకు రోహన్ హాజరు కావడం, ఆ వేడుకలో వీరిద్దరూ కలిసి సన్నిహితంగా కనిపించడంతో అందరూ ఈ జంట ప్రేమలో ఉందని ఫిక్స్ అయిపోయారు. త్వరలోనే పెళ్లి కూడా చేసుకుంటారని అనుకుంటున్నారు. ఇదిలా ఉండగా.. రోహన్, శ్రద్ధాల ప్రేమపై ఆమె తండ్రి శక్తి కపూర్ స్పందించారు.
ఇటీవల ఓ ఇంటర్వ్యూలో పాల్గొన్న ఆయన.. రోహన్ ఫ్యామిలీ ఫ్రెండ్ అని.. అతడి తండ్రి రాకేష్ శ్రేష్ట్ తో తనకు ఎన్నో ఏళ్లుగా పరిచయం ఉందని చెప్పారు. రోహన్ ఎప్పుడూ తన ఇంటికి వస్తుంటాడని.. కానీ శ్రద్ధాను పెళ్లి చేసుకుంటానని ఎప్పుడూ ప్రస్తావించలేదని అన్నారు. ఇదంతా పక్కన పెడితే ఈరోజుల్లో పిల్లలు సొంతంగా నిర్ణయాలను తీసుకుంటున్నారని.. ఒకవేళ శ్రద్ధా తన జీవిత భాగస్వామిని తానే చూసుకున్నానని చెప్పినా.. ఒప్పుకోవడానికి సిద్ధంగా ఉన్నానని చెప్పారు.
తన ఇష్టాన్ని గౌరవిస్తానని.. అయినా నేనెందుకు రిజెక్ట్ చేస్తా అంటూ ప్రశ్నించారు. ప్రస్తుతం శ్రద్ధా తన కెరీర్ పై ఫోకస్ పెడుతోందని చెప్పారు. పెళ్లి అనేది ప్రతి ఒక్కరి జీవితాల్లో చాలా ముఖ్యమైందని.. కానీ ప్రస్తుతం కాలంలో కొందరు సొంతంగా నిర్ణయాలు తీసుకొని పెళ్లి చేసుకుంటున్నారని.. ఆ తరువాత విడిపోతున్నారని.. అలాంటివి చూసినప్పుడు మాత్రం కాస్త కంగారుగా ఉంటుందని చెప్పుకొచ్చారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
