Shankar daughter Aditi: డైరెక్టర్ కూతురితో సూర్య సినిమా!

September 6, 2021 / 06:42 PM ISTByFilmy Focus

Join Us

Shankar daughter Aditi: డైరెక్టర్ కూతురితో సూర్య సినిమా!

దర్శకులు, హీరోలు తమ కూతుర్లను సినిమా ఇండస్ట్రీలోకి పంపించడానికి పెద్దగా ఆసక్తి చూపరు. అలా వచ్చిన కొందరు కూడా సక్సెస్ అయిన దాఖలాలు పెద్దగా లేవు. అయితే ఇప్పుడు సౌతిండియన్ టాప్ డైరెక్టర్ శంకర్ తన కూతుర్ని హీరోయిన్ గా ఎంకరేజ్ చేస్తుండడం హాట్ టాపిక్ గా మారింది. ఇటీవలే తన పెద్ద కూతురికి పెళ్లి చేసిన శంకర్ ఇప్పుడు రెండో కూతురు అదితీ శంకర్ ను సినిమాల్లోకి పంపిస్తున్నారు.

కార్తీ హీరోగా దర్శకుడు ముత్తయ్య రూపొందిస్తోన్న ‘విరుమన్’ అనే సినిమాలో అదితీ శంకర్ ను హీరోయిన్ గా తీసుకున్నారు. 2డీ ఎంటర్టైన్మెంట్స్ బ్యానర్ పై హీరో సూర్య, జ్యోతిక ఈ సినిమాను నిర్మిస్తున్నారు. అదితీ శంకర్ ను తమ సినిమాలో తీసుకున్న విషయాన్ని సూర్య అఫీషియల్ గా అనౌన్స్ చేశారు. ఈ మేరకు ట్విట్టర్ లో పోస్ట్ పెట్టారు. ‘అదితీ శంకర్ కు స్వాగతం. ప్రతి ఒక్కరి హృదయాలను నువ్వు గెలుచుకుంటావు’ అంటూ అదితీను ఉద్దేశిస్తూ పోస్ట్ పెట్టారు.

అదితీను హీరోయిన్ గా పరిచయం చేస్తున్న సూర్య, కార్తీ, జ్యోతికలకు థాంక్స్ చెప్పిన శంకర్.. ఫుల్ ప్రిపరేషన్ తో వస్తున్న అదితీను ఆదరిస్తారనే ఆశిస్తున్నట్లు చెప్పారు. తనకు హీరోయిన్ గా ఛాన్స్ ఇచ్చిన సూర్య, జ్యోతిలకు ధన్యవాదాలు చెప్పిన అదితీ.. మీరు గర్వపడేలా చేస్తా అంటూ రాసుకొచ్చింది. వచ్చే ఏడాదిలో ఈ సినిమా విడుదల కానుంది.