Shankar, Ram Charan: శంకర్ చరణ్ మూవీ రిలీజ్ అప్పుడే?

స్టార్ డైరెక్టర్ శంకర్ తన సినీ కెరీర్ లో తమిళ హీరోలతోనే ఎక్కువగా సినిమాలను తెరకెక్కించిన సంగతి తెలిసిందే. చిరంజీవి చాలా సంవత్సరాల క్రితం శంకర్ డైరెక్షన్ లో నటించాలనే ప్రయత్నాలు చేసినా ఆ ప్రయత్నాలు వర్కౌట్ కాలేదు. అయితే చరణ్ శంకర్ కాంబినేషన్ లో దిల్ రాజు నిర్మాతగా ఒక సినిమా తెరకెక్కనుండటం గమనార్హం. దాదాపు 200 కోట్ల రూపాయల భారీ బడ్జెట్ తో ఈ సినిమా తెరకెక్కనుందని ఇండస్ట్రీ వర్గాల్లో వార్తలు వినిపిస్తున్నాయి.

సెప్టెంబర్ నుంచి ఈ మూవీ రెగ్యులర్ షూట్ ప్రారంభం కానుండగా వచ్చే ఏడాది సమ్మర్ లో ఈ సినిమా రిలీజ్ కానుందని సమాచారం. ప్రీ ప్రొడక్షన్ పనులను దర్శకుడు శంకర్ ఇప్పటికే మొదలుపెట్టారు. ఈ సినిమాలో గ్రాఫిక్స్ కు ఎక్కువగా ప్రాధాన్యత ఉండదని అందువల్ల శంకర్ వేగంగానే ఈ సినిమా షూటింగ్ ను పూర్తి చేసే అవకాశాలు ఉన్నాయని తెలుస్తోంది. ఈ సినిమాకు సంబంధించిన కాస్టింగ్, సాంకేతిక నిపుణుల ఎంపిక ప్రక్రియ త్వరలో జరగనుందని సమాచారం.

నిరవధికంగా ఈ సినిమా షూటింగ్ జరగనుందని చరణ్ కు జోడీగా కియారా అద్వానీ ఈ సినిమాలో నటించే అవకాశాలు ఉన్నాయని తెలుస్తోంది. శంకర్ ఈ సినిమాతో ఎలాంటి రిజల్ట్ ను సొంతం చేసుకుంటారో చూడాల్సి ఉంది. ఆర్ఆర్ఆర్ షూటింగ్ ఆగష్టులో పూర్తి కానుండగా కొన్ని రోజులు బ్రేక్ తీసుకొని చరణ్ శంకర్ సినిమా పనులతో బిజీ కానున్నారు. ఇండియన్ 2 వివాదం నుంచి శంకర్ కు ఊరట లభించడంతో ఎలాంటి ఆవాంతరాలు లేకుండా ఈ సినిమా షూటింగ్ ప్రారంభం కానుందని తెలుస్తోంది. ఎన్టీఆర్, ప్రభాస్ సినిమాలు కూడా వచ్చే ఏడాది సమ్మర్ లో రిలీజ్ కానున్న నేపథ్యంలో చరణ్ కూడా తన సినిమాను సమ్మర్ కే రిలీజ్ చేస్తూ ఆయా హీరోలకు షాకిచ్చారని చెప్పాలి.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!</a