కెరీర్‌ను ప్రారంభించి… సంవత్సరం పూర్తవుతోంది.. అప్పుడు స్టార్‌ హీరోలతో నటించే ఛాన్స్ సంపాదిస్తోంది అదితి. ప్రముఖ దర్శకుడు శంకర్ కుమార్తెగా ఇండస్ట్రీకి భారీ స్థాయిలో పరిచయం జరిగే అవకాశం ఉన్నా.. ఆమె ఆ ఛాన్స్ తీసుకోలేదు. సింగర్‌గా కెరీర్‌ను ప్రారంభించిన అదితి.. ఆ తర్వాత కథానాయికగా కెరీర్‌ను ప్రారంభించింది. ఇప్పుడు అందులోనే జోరు పెంచుతూ అగ్ర హీరోల సినిమా ఛాన్స్‌లు అందుకుంటోంది. ఈ క్రమంలో సూర్యతో ఓ సినిమాకు గ్రీన్‌ సిగ్నల్‌ ఇచ్చింది అని అంటున్నారు.
కార్తి ‘విరుమాన్‌’, శివకార్తికేయన్‌ ‘మహావీరన్‌’ అంటూ ఇప్పటివరకు రెండు సినిమాల్లో కథానాయికగా నటించిన అదితి శంకర్… తక్కువ సమయంలోనే పెద్ద పెద్ద సినిమాల వైపు వెళ్తోంది. సూర్య ప్రధాన పాత్రలో నటిస్తున్న చిత్రం ‘సూర్య 43’ (వర్కింగ్‌ టైటిల్‌)లో అదితిని తీసుకున్నట్లు సమాచారం. సుధా కొంగర తెరకెక్కిస్తున్న చిత్రంలో దుల్కర్‌ సల్మాన్‌ కీలక పాత్రలో నటించనున్నట్లు భోగట్టా. సూర్య, సుధా కొంగర కాంబినేషన్‌లో గతంలో వచ్చిన ‘ఆకాశం నీ హద్దురా’ మంచి విజయాన్ని అందుకుంది.
దీంతో ఇప్పుడు ఈ సినిమా కూడా భారీ అంచనాలు ఉన్నాయి. ఇక అదితి కెరీర్‌ గురించి చూస్తే… విష్ణు వర్ధన్‌ దర్శకత్వంలో ఓ సినిమా, రామ్‌ కుమార్‌ డైరక్షన్‌లో మరో సినిమాలో నటిస్తోంది. ఇది కాకుండా ‘7/జీ రెయిన్‌బో కాలనీ’ సినిమా సీక్వెల్‌లో కూడా నటించబోతోంది. రవికృష్ణ ప్రధాన పాత్రలోనే ఈ సినిమా తెరకెక్కనుంది. త్వరలోనే ఈ సినిమా పట్టాలెక్కుతుందని సమాచారం. మరోవైపు టాలీవుడ్‌లోనూ అదితి అడుగులు వేసే అవకాశం ఉంది అంటున్నారు.
అలాగే సింగర్‌గానూ (Aditi Shankar) అదితి తన కెరీర్‌ను కొనసాగిస్తోంది. వరుణ్‌ తేజ్‌ ‘గని’ సినిమాలో ఓ పాట పాడింది. అలాగే ఆమె నటించిన తమిళ సినిమాలు ‘విరుమాన్‌’, ‘మావీరన్‌’, ‘మావీరన్‌’లో కూడా పాటలు పాడింది. ఇక ఏఆర్‌ రెహమాన్‌ స్వరపరిచిన ‘వణక్కం చెన్నై చెస్‌’ అనే సింగిల్‌ సాంగ్‌ను కూడా అదితి శంకర్ ఆలపించింది.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
Home