శర్వానంద్ నోట అర్జున్ రెడ్డి సీక్రెట్!

శర్వానంద్…ఈ యువ హీరో బడా హీరోల మధ్య భయం లేకుండా వచ్చేసి భారీ హిట్స్ అందుకుంటున్నాడు అనడంలో ఏమాత్రం సందేహం లేదు. అయితే అదే క్రమంలో తాజాగా తాను నటించిన మహానుభావుడు సినిమా మంచి హిట్ టాక్ సొంతం చేసుకుని బడా సినిమాలతో పోటీ పడి మరీ దూసుకెళ్తూ ఉండడంతో ఆనందంతో మీడియాతో ముచ్చటించాడు శర్వానంద్…అయితే ఈ మీడియా ముచ్చట్లలో భాగంగానే అర్జున్ రెడ్డి సీక్రెట్ ను బయట పెట్టాడు శర్వానంద్…విషయం ఏమిటి అంటే…ఇటీవల విడుదలై సంచలనం సృష్టించిన విజయ్ దేవరకొండ అర్జున్ రెడ్డి సినిమా హంగామా తెలిసిందే. సందీప్ వంగ డైరక్షన్ లో వచ్చిన ఈ సినిమా అంచనాలను మించి వసూళ్లను రాబట్టింది. కేవలం 4 కోట్ల బడ్జెట్ తో నిర్మించిన ఈ సినిమా 40 కోట్ల వసూళ్లను రాబట్టింది. అయితే ఈ సినిమా కథ ముందు శర్వానంద్ దగ్గరకు వెళ్లిందట. సందీప్ వంగ ఈ సినిమాను ముందు శర్వానంద్ కే వినిపించాడట.

కథ నచ్చి అశ్వనిదత్, లగడపాటి శ్రీధర్ లాంటి వారికి వినిపించినా ఎబ్బే లాభం లేదు అనేశారట. కాని ఆ సినిమాను సందీప్ వంగనే తన సొంతంగా నిర్మించాడు.  నిర్మాతలు ఓకే అంటే కచ్చితంగా ఆ సినిమా తానే తీసి ఉండేవాడిని అలా అర్జున్ రెడ్డిని మిస్ అయ్యానని అంటున్నాడు శర్వానంద్. అర్జున్ రెడ్డి శర్వానంద్ చేస్తే ఎలా ఉండేదో తెలియదు కాని విజయ్ దేవరకొండ మాత్రం అదరగొట్టాడు. సినిమాతో తన సత్తా చాటిన విజయ్ ఈ దెబ్బతో స్టార్ హీరో అయ్యాడని చెప్పొచ్చు. మొత్తంగా చూసుకుంటే ఇలా భారీ హిట్ అవుతుంది అని ఎక్స్‌పెక్ట్ చెయ్యక మిస్ అయిన సినిమాలు ప్రతీ హీరో కరియర్ లో ఉండడం విశేషం. ఏది ఏమైనా…అర్జున్ రెడ్డి విజయ్ చెయ్యడం వల్ల తన కరియర్ మంచి మలుపు తిరిగింది అని చెప్పక తప్పదు.