Sharwanand: శర్వానంద్ మూవీకి అదిరిపోయే టైటిల్ ఫిక్స్.. టైటిల్ ఏంటంటే?

టాలీవుడ్ ఇండస్ట్రీలో ఈ మధ్య కాలంలో సరైన సక్సెస్ లేకపోయినా క్రేజ్ ఏ మాత్రం తగ్గని హీరోలలో శర్వానంద్ (Sharwanand) ఒకరు. వరుస ఫ్లాపుల వల్ల శర్వానంద్ కథల ఎంపికలో మరిన్ని జాగ్రత్తలు తీసుకుంటున్నారు. శర్వానంద్ సినిమాలలో కొన్ని సినిమాలకు పాజిటివ్ టాక్ వస్తున్నా ఆ సినిమాలు కలెక్షన్ల విషయంలో మరీ అద్భుతాలు అయితే చేయడం లేదు. అయితే శర్వానంద్ ప్రస్తుతం రెండు సినిమాల్లో నటిస్తుండగా ఆ సినిమాల్లో ఒక సినిమా నారీ నారీ నడుమ మురారి టైటిల్ తో తెరకెక్కుతోంది.

సామజవరగమన (Samajavaragamana) సినిమాతో సక్సెస్ సాధించిన రామ్ అబ్బరాజు శర్వానంద్ సినిమాకు అచ్చ తెలుగు టైటిల్ ను ఫిక్స్ చేయడంతో ఫ్యాన్స్ సంతోషిస్తున్నారు. ఈ సినిమాలో ఒక హీరోయిన్ గా సంయుక్త మీనన్ (Samyuktha Menon) మరో హీరోయిన్ గా సాక్షి వైద్య (Sakshi Vaidya) నటిస్తారని తెలుస్తోంది. ఏప్రిల్ 10వ తేదీ వరకు ఈ సినిమా షెడ్యూల్ కొనసాగనుందని భోగట్టా. శర్వానంద్ మూవీకి అదిరిపోయే టైటిల్ ఫిక్స్ అయిందని ఫ్యాన్స్ కామెంట్లు చేస్తున్నారు.

బాలయ్య (Balakrishna) టైటిల్ తో శర్వానంద్ భారీ బ్లాక్ బస్టర్ హిట్ ను అందుకోవడం ఖాయమని కామెంట్లు వ్యక్తమవుతున్నాయి. విశాల్ చంద్రశేఖర్ (Vishal Chandrasekhar) ఈ సినిమాకు మ్యూజిక్ డైరెక్టర్ గా వ్యవహరిస్తున్నారని భోగట్టా. ఈ సినిమాకు శర్వానంద్ రెమ్యునరేషన్ పరిమితంగానే ఉందని సమాచారం అందుతోంది. రామ్ అబ్బరాజు శర్వానంద్ టైమింగ్ కు సూట్ అయ్యే అదిరిపోయే కథ సిద్ధం చేసినట్టు తెలుస్తోంది.

శర్వానంద్ వరుస సినిమాలలో నటిస్తుండగా ఈ సినిమాలు సక్సెస్ సాధిస్తే మార్కెట్ మరింత పెరిగే అవకాశం అయితే ఉంటుందని చెప్పవచ్చు. రన్ రాజా రన్ (Run Raja Run) , ఎక్స్ ప్రెస్ రాజా (Express Raja) , మహానుభావుడు (Mahanubhavudu) తరహా సినిమాలను శర్వానంద్ ఎంచుకోవాలని అభిమానులు ఫీలవుతున్నారు. శర్వానంద్ టాలెంట్ కు తగ్గ కథలు ఎంచుకుంటే మరిన్ని విజయాలు సొంతం కావడం గ్యారంటీ అని చెప్పవచ్చు.