మెగాపవర్ స్టార్ రాంచరణ్ ప్రస్తుతం ‘గేమ్ ఛేంజర్’ సినిమాతో బిజీగా గడుపుతున్నారు. దిల్ రాజు నిర్మిస్తున్న ఈ చిత్రానికి శంకర్ దర్శకుడు. ఈ చిత్రం షూటింగ్ నత్త నడకలా సాగుతుంది. శంకర్ సినిమా షూటింగ్ అంటే దానికి ఎడిటింగ్ లు, రీషూట్లు వంటివి చాలా పడుతుంటాయి. ఈ సినిమా విషయంలో వాటి డోస్ ఇంకాస్త ఎక్కువగానే ఉన్నాయి అనుకోవచ్చు. ఇక ‘గేమ్ ఛేంజర్’ షూటింగ్ పూర్తయ్యాకా ‘ఉప్పెన’ దర్శకుడు బుచ్చిబాబు సానాతో ఓ సినిమా చేయడానికి గ్రీన్ సిగ్నల్ ఇచ్చాడు చరణ్.
ఈ రెండు పూర్తవ్వడానికి ఎక్కువ టైం పడుతుంది. కానీ చరణ్ కాల్ షీట్ల కోసం మరో యంగ్ డైరెక్టర్ ఆసక్తిగా వెయిట్ చేస్తున్నాడు. అతను మరెవరో కాదు శివ నిర్వాణ. మొన్ననే ‘ఖుషి’ తో ప్రేక్షకుల ముందుకు వచ్చాడు శివ నిర్వాణ. అది పూర్తయ్యాక మరో సినిమాకి ఇంకా కమిట్ అవ్వలేదు అతను. వాస్తవానికి ‘ఖుషి’ సినిమాకి హిట్ టాక్ వచ్చినా బాక్సాఫీస్ వద్ద ఆశించిన స్థాయిలో ఆ మూవీ పెర్ఫార్మ్ చేయలేదు. అందుకే ఇతనికి డేట్స్ ఇవ్వడానికి ఏ హీరో కూడా అంతగా ఇంట్రెస్ట్ చూపడం లేదు.
అయినప్పటికీ చరణ్ కి ఓ కథ చెప్పాడు. దానికి చరణ్ నుండి పాజిటివ్ రెస్పాన్స్ వచ్చింది. కానీ ఇప్పట్లో చరణ్ కాల్ షీట్లు ఖాళీ లేవు. బుచ్చిబాబు సినిమా అయ్యేవరకు శివ నిర్వాణ ఆగుతాడా లేక వేరే మిడ్ రేంజ్ హీరోతో ముందుకు వెళ్తాడా అనేది చూడాలి.
Home