Gaami Movie: ‘గామి’ నుండి మరో పాట వచ్చేసింది.. ఎలా ఉందంటే?

ఇటీవల ప్రమోషనల్ కంటెంట్ తో ప్రేక్షకులను బాగా ఎట్రాక్ట్ చేసింది ‘గామి’ చిత్రం. విశ్వక్ సేన్ ప్రధాన పాత్రలో తెరకెక్కిన ఈ చిత్రంలో చాందినీ చౌదరి ఫిమేల్ లీడ్ గా కనిపించబోతుంది. శివరాత్రి కానుకగా మార్చి 8 న విడుదల కాబోతోంది ‘గామి’.విద్యాధర్ కాగిత దర్శకత్వం వహించిన ఈ చిత్రాన్ని ‘తమడా మీడియా’ ‘వి సెల్యులాయిడ్’ సమర్పణలో ‘కార్తీక్ కల్ట్ క్రియేషన్స్‌’ బ్యానర్ పై కార్తీక్ శబరీష్ ఈ చిత్రాన్ని ఎంతో ప్రతిష్టాత్మకంగా నిర్మించారు.

ఈ మధ్యనే విడుదలైన (Gaami) ‘గామి’ టీజర్ , ట్రైలర్ ప్రేక్షకుల నుండి మంచి రెస్పాన్స్ ను రాబట్టుకున్నాయి. ‘గమ్యాన్నే’ అనే పాట కూడా ఇటీవల రిలీజ్ అయ్యింది. దానికి కూడా మంచి రెస్పాన్స్ లభించింది. ఇప్పుడు మరో లిరికల్ సాంగ్ ను విడుదల చేశారు.’శివమ్’ అంటూ సాగే ఈ లిరికల్ సాంగ్ 3 నిమిషాల 59 సెకన్ల నిడివి కలిగి ఉంది. ‘నీలోని యుద్ధం శివమ్… నీతోనే యుద్ధం శివమ్’ అంటూ మొదలైన ఈ పాట అందరికీ డివోషనల్ ఫీలింగ్ ను కలగజేసే విధంగా మాత్రమే కాదు..

స్ఫూర్తినిచ్చే విధంగా కూడా ఉందని చెప్పాలి. ఆ రేంజ్లో శంకర్ మహదేవన్ పాడారు. శ్రీమణి అందించిన లిరిక్స్ అలాగే నరేష్ కుమరన్ అందించిన ట్యూన్ కూడా సూపర్ గా ఉన్నాయని చెప్పడంలో అతిశయోక్తి లేదు. ఈ సాంగ్ కూడా ‘గామి’ సినిమా ప్రమోషన్స్ కి మంచి మైలేజ్ ఇచ్చినట్టు అయ్యింది.శివరాత్రి పండుగ ఉన్నందున యూట్యూబ్లో ఈ పాట మార్మోగే అవకాశం కూడా ఉంది. మీరు కూడా ఒకసారి చూస్తూ వినండి :

‘సలార్’ ఫైనల్ గా ఎంత కలెక్ట్ చేసిందంటే?!

నయన్ విఘ్నేష్ మధ్య విబేధాలకు అదే కారణమా.. అసలేమైందంటే?
నిశ్చితార్థం చేసుకున్న వరలక్ష్మి శరత్ కుమార్.. వరుడి బ్యాగ్రౌండ్ ఇదే!