Radhe Shyam: రాధేశ్యామ్ గురించి ఈ వార్త నిజమేనా..?

May 24, 2021 / 01:02 PM ISTByFilmy Focus

Join Us

Radhe Shyam: రాధేశ్యామ్ గురించి ఈ వార్త నిజమేనా..?

జిల్ ఫేమ్ రాధాకృష్ణ డైరెక్షన్ లో యూవీ క్రియేషన్స్, గోపీకృష్ణ క్రియేషన్స్ బ్యానర్స్ సంయుక్తంగా నిర్మిస్తున్న రాధేశ్యామ్ సినిమాపై ప్రేక్షకుల్లో భారీగా అంచనాలు నెలకొన్న సంగతి తెలిసిందే. వరుసగా యాక్షన్ సినిమాల్లో నటిస్తున్న ప్రభాస్ రాధేశ్యామ్ సినిమాలో విక్రమాదిత్య పాత్రలో క్లాస్ లుక్ లో కనిపించనున్నారు. ఈ సినిమాలో పూజా హెగ్డే ప్రేరణ పాత్రలో నటిస్తున్నారు. ఈ సినిమాకు సంబంధించి ఒక వార్త ఇండస్ట్రీ వర్గాల్లో వినిపిస్తోంది. రాధేశ్యామ్ సినిమా కొంతవరకు టైటానిక్ సినిమాను పోలి ఉంటుందని ఒక వార్త తెగ వైరల్ అవుతోంది.

ఈ సినిమాకు సంబంధించి 8 రోజుల షూటింగ్ జరగాల్సి ఉండగా ఈ మూవీలో సముద్రంలో షిప్ యాక్సిడెంట్ జరుగుతుందని ఆ సీన్లు సినిమాకు హైలెట్ అవుతాయని తెలుస్తోంది. ఆ షిప్ ప్రమాదం వల్లే కథలో కీలక మలుపులు చోటు చేసుకుంటాయని దాదాపు 30 నిమిషాలు ఈ ఎపిసోడ్ ఉంటుందని సమాచారం. అయితే ఈ వార్త నిజమో కాదో తెలియాలంటే మాత్రం చిత్రయూనిట్ స్పందించే వరకు ఆగాల్సిందే. ఈ సినిమా కోసం ప్రేక్షకులు ఆసక్తిగా ఎదురు చూస్తున్నారు.

కరోనా కేసులు తగ్గితే ఈ సినిమా జులై 30వ తేదీనే రిలీజయ్యే అవకాశాలు అయితే ఉన్నాయి. ప్రభాస్ ఈ ఏడాది రాధేశ్యామ్ సినిమాను రిలీజ్ చేసి వచ్చే ఏడాది సలార్, ఆదిపురుష్ సినిమాలను రిలీజ్ చేయాలని భావిస్తుండటం గమనార్హం. ప్రభాస్ వరుసగా పాన్ ఇండియా సినిమాల్లో నటిస్తుండగా ఈ సినిమాలపై భారీ అంచనాలు నెలకొన్నాయి.