చెన్నై బ్యూటీ సాయి పల్లవి అక్కడ కంటే కూడా టాలీవుడ్ లోనే బాగా ఫేమస్. ఫిదా మూవీ ఆమెను తెలుగు ప్రేక్షకులకు బాగా దగ్గర చేసింది. అందం కొంచెం అటూ ఎటూ అయినా కూడా ఆకట్టుకొనే నటన, అద్భుత డాన్స్ స్కిల్స్ హీరోయిన్ గా నిలబెట్టాయి. విలక్షణమైన పాత్రలు ఎంచుకుంటూ, ఎక్స్ పోసింగ్ కి దూరంగా ఉండే సాయి పల్లవి అంటే ఆడియెన్సులో కూడా ఓ రెస్పెక్ట్ ఉంది. ఐతే సాయి పల్లవి పై తరచుగా ఎదో ఒక రూమర్ హల్ చల్ చేస్తూ ఉంటుంది.
కొద్దిరోజుల క్రితం మెగాస్టార్ చిరంజీవి హీరోగా తెరకెక్కనున్న వేదాళం తెలుగు రీమేక్ లో సాయి పల్లవి ఆయన చెల్లెలు రోల్ చేస్తున్నారంటూ ప్రచారం జరిగింది. వేదాళం మూవీలో హీరో చెల్లి పాత్రకు ప్రాధాన్యం ఉండగా ఆ పాత్ర కోసం సాయి పల్లవిని సంప్రదించారని కథనాలు రావడం జరిగింది. సినిమా ప్రకటనే అధికారికం కాలేదు, ఈ రూమర్స్ ఏమిటని కొందరు కొట్టిపారేశారు. తాజాగా అల్లు అర్జున్ చెల్లి పాత్రలో సాయి పల్లవి నటించనున్నారని మరో వార్త తెరపైకి వచ్చింది.
సాయి సుకుమార్ దర్శకత్వంలో అల్లు అర్జున్ హీరోగా తెరకెక్కుతున్న పుష్ప మూవీలో సాయి పల్లవి ఆయనకు హీరోగా కనిపిస్తారట. కీలకమైన చెల్లి పాత్ర కోసం సాయి పల్లవి అయితే బాగుండని చిత్ర యూనిట్ భావిస్తున్నారని తాజా కథనాల సారాంశం. హీరోయిన్ గా మంచి ఫార్మ్ లో ఉన్న సాయి పల్లవి చెల్లి పాత్ర ఎలా చేస్తుందనే అనుమానం అందరూ వ్యక్తం చేస్తున్నారు. ప్రస్తుతం తెలుగులో సాయి పల్లవి రెండు క్రేజీ ప్రాజెక్ట్స్ లో నటిస్తున్నారు. లవ్ స్టోరీ, విరాట పర్వం సాయి పల్లవి నటిస్తున్న తెలుగు చిత్రాలు.
Most Recommended Video
బిగ్బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
