Devara: షార్క్ ఫైట్ సీక్వెన్స్ విషయంలో ఇంకాస్త జాగ్రత్త తీసుకోవాల్సింది.!

September 10, 2024 / 05:57 PM ISTByFilmy Focus

Join Us

దేవర (Devara) ట్రైలర్ ఇప్పుడే రిలీజ్ అయ్యింది. ముంబైలో భారీ ఈవెంట్ నిర్వహించి విడుదల చేసిన ట్రైలర్ కు మంచి రెస్పాన్స్ వస్తుంది. ముఖ్యంగా ఎన్టీఆర్ (Jr NTR) డబుల్ రోల్, సైఫ్ అలీఖాన్ (Saif Ali Khan) విలనిజం, జాన్వీకపూర్ (Janhvi Kapoor) అందం & అనిరుధ్ (Anirudh Ravichander) నేపథ్య సంగీతానికి విశేషమైన అభినందనలు వెల్లువెత్తుతున్నాయి. అయితే.. ఇంత బజ్ క్రియేట్ చేసిన ఈ ట్రైలర్ లో ఒక్క విషయం మాత్రం ఎందుకో ఆడియన్స్ కు నచ్చడం లేదు, అదే గ్రాఫిక్స్.

Devara

ముఖ్యంగా ట్రైలర్ లో కనిపించే బాంబ్ సీక్వెన్స్ & షార్క్ ఫైట్ సీక్వెన్స్ గ్రాఫిక్స్ చాలా పేలవంగా కనిపిస్తున్నాయి. వందల కోట్ల రూపాయల బడ్జెట్ అని వేసిన చాటింపుకి ఆ రెండు షాట్స్ కి ఏమాత్రం సింక్ అవ్వడం లేదు. అయితే.. కేవలం ట్రైలర్ లో కనిపించిన రెండు సెకండ్ల విజువల్స్ తో ఫైనల్ ప్రోడక్ట్ అనేది గెస్ చేయలేం కానీ, మంచి హైప్ క్రియేట్ చేయాల్సిన ట్రైలర్ లో సదరు షాట్స్ ఉండడం కొంచెం మైనస్ అనే చెప్పాలి.

మరిన్ని సినిమా వార్తలు.

ఎందుకంటే పాన్ ఇండియన్ రిలీజ్ అనుకున్నప్పుడు ప్రతీ విషయం చిన్న ఫ్రేమ్ అయినా కూడా చాలా పక్కాగా ఉండాలి లేకపోతే నవ్వుల పాలు అవ్వడం ఖాయం. మరీ ముఖ్యంగా ట్రైలర్ లో ఆ షార్క్ చేప చూడ్డానికి ఏదో డాల్ఫిన్ లా ఉందని సోషల్ మీడియాలో ఆల్రెడీ ట్రోల్స్ మొదలయ్యాయి. మరి ఈ విషయాన్ని దేవర (Devara) బృందం కాస్త సీరియస్ గా తీసుకొని చిన్నపాటి కరెక్షన్స్ చేసే అవకాశం ఏమైనా ఉందా లేక పెద్దగా టైమ్ లేదు కాబట్టి అలానే ఉంచేస్తారా అనేది తెలియాలంటే విడుదల వరకు ఆగాల్సిందే.

ఇకపోతే.. సెప్టెంబర్ 27న ప్రపంచవ్యాప్తంగా విడుదలవుతున్న “దేవర”లో (Devara) ఎవరూ ఊహించని ఓ ట్విస్ట్ ఉందని, అది ఒక స్పెషల్ ఎంట్రీ అని సమాచారం. మరి ఆ స్పెషల్ ఎంట్రీ ఎవరిదో తెలియాలంటే కూడా విడుదల వరకు వేచి చూడాల్సిందే!