Salman Khan: సల్మాన్ ఖాన్ డాన్స్ వల్ల ట్రెండ్ అవుతున్న ‘నైయో లగ్దా’ సాంగ్!

సల్మాన్ ఖాన్, పూజా హెగ్డే హీరో హీరోయిన్లుగా ‘కిసీ క భాయ్ కిసీ క జాన్’ అనే చిత్రం రూపొందుతున్న సంగతి తెలిసిందే. టాలీవుడ్ స్టార్ హీరో వెంకటేష్ కీలక పాత్రలో తెరకెక్కుతున్న ఈ బాలీవుడ్ మూవీ.. తమిళంలో సూపర్ హిట్ అయిన ‘వీరం’ కి రీమేక్ గా తెరకెక్కుతుంది. ‘వీరం’ తెలుగులో ‘కాటమరాయుడు’ గా రీమేక్ అయిన సంగతి తెలిసిందే. ఇక ‘కిసీ క భాయ్ కిసీ క జాన్’ నుండి ‘నైయో లగ్దా’ అనే పాట వాలెంటైన్స్ డే సందర్భంగా రిలీజ్ అయ్యింది. హిమేష్ రేష్మియా సంగీతం అందించిన ఈ పాట వినడానికి బాగుంది.

వాలెంటైన్స్ డే మూడ్ కు తగ్గట్టు పర్ఫెక్ట్ గా ఉంది ఈ పాట. అయితే విజువల్ గా మాత్రం భయంకరంగా ట్రోల్ అయ్యింది. ఎందుకంటే ఈ పాటలో సల్మాన్ ఖాన్ డాన్స్ కొంచెం ఆడ్ గా ఉంది. అందుకే ట్రోలర్స్ కు ఫీస్ట్ అయిపోయింది. ఈ పాటలో సల్మాన్ ఖాన్ చేసింది డాన్స్ కాదని జిమ్ లో చేసే ఎక్సర్ సైజ్ మూమెంట్స్ అని కొందరు వ్యంగ్యంగా కామెంట్లు చేస్తున్నారు. రెజ్లింగ్ నేపథ్యంలో రూపొందిన అమీర్ ఖాన్ దంగల్ చిత్రానికి ఈ పాటలో సల్మాన్ వేసిన స్టెప్పులు కరెక్ట్ గా సరిపోతాయని కూడా కొంతమంది కామెంట్లు చేస్తున్నారు.

‘నిజానికి సల్మాన్ ఖాన్ డాన్స్ లో చాలా వీక్. పైగా 58 ఏళ్ల వయసు. అన్నీ ఎలా ఉన్నా అందరికీ అన్నీ రావాలని రూల్ ఏమీ లేదు.అదే ఫైట్స్ లో అయితే సల్మాన్ ఖాన్ దుమ్ము దులిపేయడా’ అంటూ ఇంకొంతమంది కామెంట్లు చేస్తున్నారు.