బేబీ సినిమాలో సెకండ్ హీరోగా కనిపించిన విరాజ్ అశ్విన్ అందరికీ సుపరిచితమే. ‘థాంక్యూ బ్రదర్’ ‘మయా పేటిక’ వంటి సినిమాల్లో అతను నటించినప్పటికీ.. ‘బేబీ’ అతనికి మంచి గుర్తింపు తెచ్చిపెట్టింది. ఇతను ప్రముఖ ఎడిటర్ మార్తాండ కె వెంకటేష్ గారి మేనల్లుడు. బహుశా ఈ విషయం చాలా తక్కువ మందికే తెలిసుండొచ్చు. ఇదిలా ఉండగా.. విరాజ్ ఇటీవల ఓ సందర్భంలో అల్లు అర్జున్ వల్ల తాను ఎక్కువగా ట్రోల్ అయినట్టు చెప్పి అందరికీ షాకిచ్చాడు.
విషయం ఏంటి అంటే.. విరాజ్ అశ్విన్ (Viraj Ashwin) బేబీ సక్సెస్ మీట్లో “సినిమాల్లోకి రాకముందు నేను డాన్స్ నేర్చుకోవడానికి ఒక డాన్స్ స్కూల్లో చేరాను. అది అల్లు అర్జున్ ప్రాక్టీస్ చేసిన షెడ్..! ‘విరాజ్… ఇక్కడికి అల్లు అర్జున్ గారు వచ్చి ఎంత కష్టపడేవారో తెలుసా.? ఉదయం 6:00 నుండి సాయంత్రం 6 గంటల వరకు ప్రాక్టీస్ చేసేవారు.
ఒక్క స్టెప్ సరిగ్గా రాకపోయినా ఆయన ఇక్కడి నుండి వెళ్లేవారు కాదు’ అంటూ మా డాన్స్ మాస్టర్ నాతో చెప్పారు” అంటూ విరాజ్ అశ్విన్ చెప్పుకొచ్చాడు. అయితే ఆ తర్వాత అల్లు అర్జున్ స్పీచ్ ఇస్తూ… ‘మనలో ఏ టాలెంట్ ఉంది అనేది ముందు గుర్తించాలి. దానిమీద ఫుల్ ఫోకస్ పెట్టాలి. అప్పుడు సక్సెస్ అవుతాం. నాకు డాన్స్ అంటే ఇష్టం కాబట్టి దానిపై దృష్టి పెట్టాను.
నువ్వు ఏం చేయగలవో గుర్తించు’ అంటూ విరాజ్ అశ్విన్ ను ఉద్దేశిస్తూ అల్లు అర్జున్ చెప్పాడు. దీంతో విరాజ్ అశ్విన్ పై గట్టిగా ట్రోలింగ్ జరిగిందట. ఈ విషయాన్ని స్వయంగా విరాజ్ అశ్విన్ చెప్పుకొచ్చాడు.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
