యంగ్ టైగర్ జూనియర్ ఎన్టీఆర్ (Jr NTR) అభిమానులు దేవర (Devara) సినిమా కోసం ఎంత ఆసక్తిగా ఎదురుచూస్తున్నారో ప్రత్యేకంగా చెప్పాల్సిన అవసరం లేదు. దేవర సినిమా నుంచి తాజాగా విడుదలైన పోస్టర్ ప్రేక్షకులను ఎంతగానో ఆకట్టుకుంది. ఎన్టీఆర్ డ్యూయల్ రోల్ లో కనిపించనున్నారని ఈ పోస్టర్ తో క్లారిటీ వచ్చేసింది. వైరల్ అవుతున్న పోస్టర్ వల్ల తారక్ ఈ సినిమాలో దేవర, వర అనే పాత్రల్లో కనిపించనున్నారని అనధికారికంగా వెల్లడైంది. మరోవైపు సెప్టెంబర్ నెల 27వ తేదీన అర్ధరాత్రి నుంచి దేవర షోలు ప్రదర్శితం కానున్నాయని తెలుస్తోంది.
రాత్రి 1.08 గంటలకు మిడ్ నైట్ షో మొదలుకానుందని సమాచారం అందుతోంది. దేవర సినిమా మిడ్ నైట్ షోలు ప్రదర్శితం అయితే కలెక్షన్ల పరంగా కూడా ఈ సినిమా సంచలనాలు సృష్టించే ఛాన్స్ ఉంది. అయితే తెలుగు రాష్ట్రాల్లో పెద్ద సినిమాల మిడ్ నైట్ షోలకు అనుమతులు దొరకడం సులువు కాదు. జూనియర్ ఎన్టీఆర్ సినిమా రిలీజ్ అంటే అభిమానుల ఆనందానికి అవధులు ఉండవనే సంగతి తెలిసిందే.
1000 కోట్ల రూపాయల కలెక్షన్ల టార్గెట్ తో దేవర తెరకెక్కుతుండగా సునాయాసంగానే ఈ సినిమా టార్గెట్ ను రీచ్ అవుతుందని అభిమానులు భావిస్తున్నారు. జూనియర్ ఎన్టీఆర్ చాలా సంవత్సరాల తర్వాత నటిస్తున్న మాస్ మూవీ కావడం ఈ సినిమాపై భారీగా అంచనాలు పెరగడానికి కారణమైంది. దేవర ఫస్ట్ పార్ట్ విడుదలై హిట్ గా నిలిస్తే దేవర2 సినిమాపై ఏ రేంజ్ లో అంచనాలు ఏర్పడతాయో ప్రత్యేకంగా చెప్పాల్సిన అవసరం లేదు.
ఈ మధ్య కాలంలో టాలీవుడ్ ఇండస్ట్రీలో పెద్ద సినిమాలన్నీ రెండు భాగాలుగా తెరకెక్కుతున్న నేపథ్యంలో చాలా సినిమాలు ఫస్ట్ పార్ట్ ను మించి సెకండ్ పార్ట్ తో రికార్డ్స్ క్రియేట్ చేస్తున్నాయి. జూనియర్ ఎన్టీఆర్ క్రేజీ డైరెక్టర్ల డైరెక్షన్ లో నటిస్తుండటం కెరీర్ కు ప్లస్ అవుతోంది.
Home