ఆర్ ఆర్ ఆర్ గురించి మరిన్ని విషయాలు పంచుకున్న శ్రియా..!

September 13, 2020 / 08:49 PM IST

Join Us

ఆర్ ఆర్ ఆర్ గురించి మరిన్ని విషయాలు పంచుకున్న శ్రియా..!

మోస్ట్ అవైటెడ్ ఆర్ ఆర్ ఆర్ ఎప్పుడు థియేటర్స్ లో దిగుతుందా అనే ఆసక్తి దేశవ్యాప్తంగా నెలకొని ఉంది. బాహుబలి లాంటి ఇండియన్ బ్లాక్ బస్టర్ తరువాత రాజమౌళి నుండి వస్తున్న చిత్రం కావడంతో భారీ అంచనాలున్నాయి. టాలీవుడ్ కి చెందిన ఇద్దరు టాప్ స్టార్స్ ఎన్టీఆర్, చరణ్ కలిసి నటించడం కూడా మరో విశేషం అని చెప్పాలి. మరి ఇన్ని ప్రత్యేకతలున్న ఆర్ ఆర్ ఆర్ విడుదల లేటవడం ప్రేక్షకులను కొంత నిరాశకు గురిచేస్తుంది.

కాగా హీరోయిన్ శ్రియా శరణ్ ఆర్ ఆర్ ఆర్ మూవీలో నటిస్తున్న సంగతి తెలిసిందే. ఈ విషయాన్ని ఇది వరకే శ్రియా బయటపెట్టడం జరిగింది. ఆర్ ఆర్ ఆర్ లో బాలీవుడ్ హీరో అజయ్ దేవ్ గణ్ కి జంటగా ఆమె కొద్దినిమిషాల కేమియో రోల్ చేస్తుంది. కాగా ఈ పాత్రపై తాజా ఇంటర్వ్యూలో శ్రియా మరింత స్పష్టత ఇచ్చారు. నిడివి తక్కువ కావడంతో పాటు కేవలం అజయ్ దేవ్ గణ్ తో మాత్రమే శ్రియాకు సన్నివేశాలు ఉంటాయట.

ఎన్టీఆర్, చరణ్ లతో ఆమెకు ఎటువంటి కాంబినేషన్ సన్నివేశాలు ఉండవని ఆమె చెప్పడం జరిగింది. దీనితో శ్రియా పాత్రపై ఒక క్లారిటీ వచ్చింది. ఇక 2005లో వచ్చిన ఛత్రపతి మూవీ తరువాత రాజమౌళితో పనిచేయడం గొప్ప అనుభూతిని పంచిందని శ్రియా తెలిపారు. త్వరగా ఆర్ ఆర్ ఆర్ షూటింగ్ పూర్తై థియేటర్స్ లో విడుదల కావాలని ఆమె కోరుకున్నారు. ఆర్ ఆర్ ఆర్ లో ఆమె షూటింగ్ పార్ట్ పూర్తయ్యింది.