కోలీవుడ్ తో పాటూ టాలీవుడ్, బాలీవుడ్ లలో టాప్ హీరోయిన్ ప్లేస్ సంపాదించుకుంది శృతీ హాసన్. నటన పరంగా .. గ్లామర్ పరంగా, డ్యాన్స్ పరంగా… శృతి వందకు వంద శాతం న్యాయం చేస్తుందనడంలో సందేహమే లేదు. తెలుగు .. తమిళ భాషల్లో అగ్రకథానాయికగా ఎదుగుతున్న తరుణంలో శృతీ ప్రేమలో పడి కెరీర్ ను నిర్లక్ష్యం చేసింది. ఈ కారణంగానే సినిమాలకి గ్యాప్ ఇచ్చింది. మళ్ళీ సినిమాల పై దృష్టి పెడుతోందన్న తరుణంలో ఈ అమ్మడి దృష్టి ప్రస్తుతం రాజకీయాల పై పడినట్టు కనిపిస్తుంది.
తాజాగా శృతీ హాసన్ ఇచ్చిన ఓ ఇంటర్వ్యూలో రాజకీయాల గురించి ప్రస్తావించడం అందరినీ ఆశ్చర్యానికి గురిచేసింది. ఈ ఇంటర్వ్యూలో శృతీ హాసన్ మాట్లాడుతూ.. “మా నాన్నకి సమాజం పై అవగాహన ఎక్కువ. సమాజంలోని సమస్యలు .. పరిస్థితుల గురించి ఆయన ఎప్పటికప్పుడు తెలుసుకుని వాటి పై స్పందిస్తూ ఉంటారు. ఆయన సినిమాల్లో కూడా ఏదో ఒక సామాజిక సందేశం ఉంటుంది. ప్రజలకు ఏం కావాలి? వాటిని ఎలా సాధించాలనే విషయంలో ఆయనకు స్పష్టమైన ఆలోచన ఉంది. అలాంటి నాన్న రాజకీయాల్లోకి రావలసిన అవసరం ఎంతైనా ఉంది. ఆయన రాజకీయాల్లోకి అడుగు పెట్టేంతవరకూ నాకు రాజకీయాల గురించి ఏమీ తెలీదు. ఇప్పుడు అవగాహన పెంచుకుని ఆయనకు సహకరించాలని అనుకుంటున్నాను” అంటూ చెప్పుకొచ్చింది. దీనిని బట్టి చూస్తుంటే శృతీ హాసన్ రాజకీయాల్లోకి రావడం ఖాయమని కోలీవుడ్ మీడియా వర్గాలు చెప్పుకొస్తున్నాయి.
