మల్టీ ట్యాలెంటెడ్ గర్ల్ శృతి హాసన్ కి తన తండ్రి కమల్ హాసన్ అంటే చాలా ప్రేమ. తండ్రి నడిచిన సినీ బాటలోనే శృతి నడిచింది. హీరోయిన్ గా అనేక విజయాలను సొంతం చేసుకుంది. ఇప్పడు కమల హాసన్ నటనను వదిలి రాజకీయంలోకి అడుగు పెట్టారు. సొంతంగా పార్టీని ఈరోజు ప్రారంభించబోతున్నారు. ఉదయం రామేశ్వరంలోని మాజీ రాష్ట్రపతి అబ్దుల్ కలాం కుటుంబ సభ్యులనుకలుసుకున్న కమల్, ‘కలాం సమాధి వద్ద నివాళులు అర్పించి అక్కడి నుంచి మదురై రోడ్ షో నిర్వహిస్తున్నారు. సాయంత్రం మదురైలో జరిగే భారీ బహిరంగ సభలో పార్టీని ప్రకటించనున్నారు. అలాగే పార్టీ పతాకాన్ని కూడా ఆవిష్కరిస్తారు.
ఈ సభకు ఢిల్లీ ముఖ్యమంత్రి, ఆప్ అధినేత అరవింద్ కేజ్రీవాల్ ప్రత్యేక అతిథిగా హాజరవుతున్నారు. మరి తండ్రి బాటలో మీరు కూడా నడుస్తారా ? అని కూతురు శృతిని ప్రశ్నించగా ఆమె ఇలా సమాధానం చెప్పారు. “నాకు రాజకీయాల గురించి ఏ మాత్రం తెలియదు. నేను రాజకీయాల్లోకి వెళ్లాలని అనుకోవడం లేదు. ఒక భారతీయ యువతిగా నా తండ్రికి మద్దుతు ఇస్తాను. కానీ ఆయన వెంట నడిచే ఆలోచన నాకు లేదు.” అని స్పష్టం చేసింది. అలాగే పార్టీ ఆవిర్భావ వేడుకకు కూడా వెళ్లడం లేదని చెప్పింది.
