మల్టీ ట్యాలెంటెడ్ గర్ల్ శృతిహాసన్ నటనలోనే కాకుండా .. ఆలోచనలోను తండ్రికి తగ్గ తనయురాలు అనిపించుకుంటోంది. రోజుకో సంచలనంతో నిత్యం వార్తల్లో ఉంటోంది. మొన్న బాయ్ ఫ్రెండ్ విషయంలో, నిన్న డ్రస్ విషయంలో.. ఈ రోజు అలవాట్ల గురించి ముక్కుసూటిగా మాట్లాడి ఆశ్చర్య పరుస్తోంది. “ప్రతి మనిషికీ అలవాట్లు ఉంటాయి. అలాంటి అలవాట్లే కొన్ని సార్లు వ్యసనాలుగా మారతాయి. కానీ నా విషయంలో అలా జరగదు” అని స్పష్టం చేసింది శ్రుతి హాసన్. తాను జీవితంలో ఏదీ సీరియస్ గా తీసుకోనని వెల్లడించింది.
” నా జీవితానికి మించి ఏదీ ఎక్కువ కాదు. చివరకు నాకు సినిమా కూడా అంత ఎక్కువేం కాదు” అని అభిమానులకు షాక్ ఇచ్చింది. సినిమా అంటే తనకు హాబీ అని, సినిమా అంటే ఇష్టం మాత్రమేనని చెప్పింది. సినిమాలు లేవని, షూటింగులు లేవని బలహీనపడిపోయి దిగులుగా కూర్చోనని, చేతి నిండా పనిపెట్టుకోవడం ఎలాగో తనకు తెలుసని ధీమా వ్యక్తం చేసింది. ప్రతి క్షణాన్ని ఎలా వినియోగించుకోవాలో తనకు తెలుసని శృతి చెప్పిన మాటలు ప్రస్తుతం వైరల్ అవుతున్నాయి.
Also, do SUBSCRIBE to our YouTube channel to get latest Tollywood updates.
