Sing Geetham Review in Telugu: సింగ్ గీతం సినిమా రివ్యూ & రేటింగ్!

ఆ ఫ్రస్ట్రేషన్లో ఉన్న రేణు.. ఆ ఊరి ప్రజల దేవుడు అయినటువంటి కుబేరుడిని తిడుతూ.. అక్కడే ఉన్న ఓ గుహలో పడిపోతుంది. ఆ గుహలో ఆమె ఊరి ప్రజలను తిడుతూ 3 కోరికలు కోరుకుంటుంది. అందులో ఒకటి ఆ ఊరి ప్రజలకి మాటలు పోవాలి అని..! ఆమె కోరుకున్నట్టుగానే తర్వాతి రోజు నుండి ఆ ఊరి జనాలు మాటలు కోల్పోయి పాటలు పాడటం మొదలుపెడతారు. గౌరీతో సహా..! కుబేరుడి శాపం తన ప్రజలపై పడిందని గౌరీ గుర్తిస్తుంది. అయితే ఆమె కోరుకున్న మరో 2 కోరికలు ఏమిటి? వాటి వల్ల ఆ ఊరి జనాలకి ఇంకెన్ని సమస్యలు వచ్చాయి.? వీటిని ప్రతాప్ ఎలా పరిష్కరించాడు? అతని గతం ఏంటి? అనేది మిగిలిన కథ.

నటీనటుల పనితీరు: అయాన్ ఎంతో ఎనర్జిటిక్ గా నటించాడు. అహిల్య కూడా అతనికి మంచి జోడీ అనిపించుకుంది. వీళ్ళకి కచ్చితంగా టాలీవుడ్లో మంచి ఫ్యూచర్ ఉంటుంది అని చెప్పాలి. సెల్ఫిష్ బిజినెస్ విమెన్ పాత్రలో షాలిని కూడా సెటిల్డ్ పెర్ఫార్మన్స్ ఇచ్చింది. అగు స్టేన్లీ భయంకరంగా కనిపించినప్పటికీ.. అతని కామెడీని అంతా ఎంజాయ్ చేస్తారు అనడంలో ఎటువంటి సందేహం లేదు.

నివేదా పేతురాజ్ కేమియో రోల్ కూడా చాలా బాగుంది. ఈ మధ్య తల్లి పాత్రలకి అంకితమైపోయి.. సినిమాల్లో ఓ మూలాన నిలబడే పాత్రలు చేస్తున్న తులసికి కూడా ఈ సినిమాలో మాత్రం పాత్ర దొరికింది. శివన్నారాయణ కూడా కొన్ని సన్నివేశాల్లో నటించారు. మహేష్ ఆచంట, బెనర్జీ, రచ్చ రవి వంటి వారు తమ పాత్రలకి న్యాయం చేశారు.

సాంకేతిక నిపుణుల పనితీరు: 94 ఏళ్ళ వయసు కలిగిన ఓ దర్శకుడు, 40 ఏళ్ళ క్రితం అనుకుని వదిలేసిన ఓ కథతో ఇప్పుడు సినిమా చేస్తున్నాడు అంటే.. దానిపై ఎవ్వరికైనా హోప్స్ ఉంటాయా? ‘సింగ్ గీతం’ పై మొదటి నుండీ అందరిలో ఇవే అనుమానాలు కలిగాయి. అందులోనూ కమల్ హాసన్ వంటి స్టార్ తో అనుకుని పక్కన పెట్టేసిన కథ అంటే అవి ఇంకా రెట్టింపు అయ్యాయి. కానీ ఆ అనుమానాలను అన్నీ పటాపంచలు చేస్తూ ‘సింగ్ గీతం’ సినిమా అందరికీ ఓ సర్ప్రైజింగ్ ఫీల్ కలిగిస్తుంది అనేది వాస్తవం. ఈ టైంలో ఇది అతి పెద్ద ప్రయోగాత్మక సినిమా.

ఎందుకంటే సినిమా మొదలైన అరగంట తర్వాత మాటలు ఉండవు. కొన్ని చోట్ల స్లో అయినా ల్యాగ్ అనే ఫీలింగ్ రాదు. డైలాగులు అన్నీ పాటల రూపంలోనే వస్తాయి. ఇది కత్తి మీద సాము లాంటిది. అయినప్పటికీ దర్శకుడు సింగీతం దానిని సమర్థవంతంగా అదే విధంగా చాలా కన్వెన్సింగ్ గా డీల్ చేశారు. ‘సింగీతం స్టయిలే అది’ అని ప్రత్యేకంగా చెప్పనవసరం లేదు అనుకోండి.! ఇక సెకండాఫ్ లో వచ్చే నివేదా పేతురాజ్ ట్రాక్ కూడా బాగా వర్కౌట్ అయ్యింది. ఎమోషన్ ను పండించింది. క్లైమాక్స్ ని కూడా చాలా సెన్సిబుల్ గా హ్యాండిల్ చేశారు. అక్కడ హ్యుమానిటీని తట్టిలేపే సన్నివేశాలు హృద్యంగా అనిపిస్తాయి.వాస్తవానికి ఈ సినిమాకి సింగీతం విర్చువల్ డైరెక్షన్ మాత్రమే చేశారు.

సెట్స్ లో ఉండి ఆయన థాట్ ప్రాసెస్ ను అర్ధం చేసుకుని ఇంప్లిమెంట్ చేసింది మొత్తం సంకల్ప్ గోరా అనే కుర్రాడు. అతనికి కూడా ‘సింగ్ గీతం’ లో క్రెడిట్ లభిస్తుంది. నిర్మాత నాగ్ అశ్విన్ ఈ కథకి ఏం కావాలో అవన్నీ సమకూర్చారు. కొన్ని సీన్లకి ‘కల్కి..’ సెట్స్ నే వాడేశారు అనుకోండి.! కానీ అవి ఎబ్బేట్టుగా ఏమీ అనిపించవు. దేవి శ్రీ ప్రసాద్ కి ‘సింగ్ గీతం’ అనే సినిమా పెద్ద ఛాలెంజ్. ఎందుకంటే 2 గంటల 17 నిమిషాల సినిమాలో మొదటి అరగంట తీసేస్తే.. మిగతా కథనాన్ని నడిపించాల్సిన భారం అంతా మ్యూజిక్ పైనే పడింది. దేవి మాత్రం ఆ విషయంలో ఎక్కడా బ్యాలన్స్ తప్పలేదు. తన వంతు పూర్తి న్యాయం చేశాడు.

విశ్లేషణ: ఎటువంటి హైప్ లేకుండా కేవలం మౌత్ టాక్ పై ఆధారపడి ఈ వారం ప్రేక్షకుల ముందుకు వచ్చింది ‘సింగ్ గీతం’. అయితే ఎవ్వరూ ఊహించని విధంగా ఆడియన్స్ కి మంచి సర్ప్రైజింగ్ ఫీల్ కలిగిస్తుంది. ఫస్ట్ హాఫ్ లో కొన్ని ఫన్ మూమెంట్స్ అలరిస్తాయి. సెకండాఫ్ స్టార్టింగ్ కొంచెం స్లో అనిపించినా.. ప్రీ క్లైమాక్స్ లో ఎమోషన్ బాగా వర్కౌట్ అయ్యింది. సో నిస్సందేహంగా ఈ వీకెండ్ థియేటర్ కి వెళ్ళి ఒకసారి హ్యాపీగా ట్రై చేయొచ్చు.

ఫోకస్ పాయింట్: అలరించే సింగీతం మార్క్ ఫాంటసీ డ్రామా

రేటింగ్: 3/5

Click Here To Read in ENGLISH