Singer Mangli: దరిద్రుడా.. ఫోన్ పగలగొట్టు: మంగ్లీ ఉగ్రరూపం!

December 28, 2021 / 10:10 AM ISTByFilmy Focus

Join Us

Singer Mangli: దరిద్రుడా.. ఫోన్ పగలగొట్టు: మంగ్లీ ఉగ్రరూపం!

ఇటీవల కాలంలో తెలుగు గడ్డ నుంచి బాగా క్రేజ్ అందుకున్న సింగర్స్ లలో మంగ్లీ టాప్ లిస్టులో కొనసాగుతొందనే చెప్పాలి. ఆమె గత కొంత కాలంగా ఎలాంటి పాట పాడినా కూడా నెట్టింటి వైరల్ గా మారుతోంది. అలాగే ఆమె పాడే పాటలు కొన్నిసార్లు వివాదాలకు కూడా దారి తీస్తున్నాయి. మొదట తీన్ మార్ వార్తలతో మంచి గుర్తింపు అందుకున్న మంగ్లీ ఆ తరువాత మెల్లగా ప్రయివేట్ సాంగ్స్ ద్వారా తన ఉనికిని చాటుకుంది.

ఆమెలో మంచి సింగర్ ఉన్నట్లు గుర్తించిన థమన్ మొదట శైలజా రెడ్డి అల్లుడు సినిమాకు పాట పాడించే అవకాశం ఇచ్చాడు. ఇక ఆ తరువాత మంగ్లీ ఏ మాత్రం వెనక్కి తిరిగి చూసుకోలేదు. ఆమె ఎలాంటి పాట పాడినా కూడా ప్రేక్షకులకు బాగా దగ్గరవుతోంది. అయితే ఆమెకు ఫ్యాన్ ఫాలోవర్స్ సంఖ్య కూడా గట్టిగానే పెరిగింది. గతంలో కంటే ఎక్కువగా జనాలి మంగ్లీ వచ్చింది అంటే ఈవెంట్స్ కు ఎగబడి వస్తున్నారు.

ఇక ఇటీవల ఒక ప్రయివేట్ సాంగ్ కోసం షూట్ కి వెళ్లిన మంగ్లీ అక్కడ అభిమానులపై ఒక్కసారిగా చిర్రెత్తిపోయింది. తనలో ఎప్పుడు చూడని కోపాన్ని బయటపెట్టడంతో అందరూ షాక్ అయ్యారు. సెల్ఫీలు తీసుకునేందుకు ఎగబడ్డ అభిమానులపై ఆగ్రహంతో ఫోన్లు పగల గొట్టండి అంటూ తిట్టేసింది. ఆఖరికి తన అసిస్టెంట్ పై కూడా మంగ్లీ కోపగించుకుంది. వెంటనే బండికి ఫోన్ చేయ్ రా దరిద్రుడా అంటూ కొట్టినట్లు కూడా కనిపిస్తోంది. ఏదేమైనా కూడా మంగ్లీ ఒక్కసారిగా తన సహానాన్ని కోల్పోయి చిర్రెత్తిపోవడం పై సోషల్ మీడియాలో అనేక రకాల కామెంట్స్ వెలువడుతున్నాయి.

swechha-film-well-known-singer-mangli

ఇక మంగ్లీ ప్రైవసీకి భంగం కలిగించే విధంగా అక్కడ వాతావరణం ఉండడం వల్లనే ఆమె కోపగించుకున్నట్లు కూడా అనిపిస్తోంది. ప్రస్తుతం మంగ్లీ కోపగించిన వీడియో సోషల్ మీడియాలో వైరల్ గా మారింది. మరీ ఈ విషయంలో మళ్ళీ ఆమె ఏదైనా క్లారిటీ ఇస్తుందో లేదో చూడాలి. మంగ్లీ సోదరి ఇంద్రావతి చౌహాన్ కూడా ఇటీవల మంచి సింగర్ గా క్రేజ్ అందుకున్న విషయం తెలిసిందే. ముఖ్యంగా. పుష్ప సినిమాలో ఆమె పాడిన స్పెషల్ సాంగ్ 100 మిలియన్ వ్యూవ్స్ తో యూ ట్యూబ్ లో సెన్సేషన్ క్రియేట్ చేసింది.