స్వేచ్ఛకావాలని ఎవరు కోరుకోరు.. అబ్బాయిలతో పాటు సమానంగా అమ్మాయిలు ఎంజాయ్ చేయాలనుకుంటే సమాజం అంగీకరిస్తుందా?, అసలు ఇంట్లో వారు ఒప్పుకుంటారా? స్వేచ్ఛగా వివాహరిస్తాను అంటే.. ప్రోత్సహిస్తారా? వీటన్నింటికి వచ్చే సమాధానం నో. వద్దు.. కాదు అనే మాటలను పక్కన పెట్టి ఓ యువతీ ఇంట్లో నుంచి అడుగు బయట పెట్టింది. రోడ్డుపైకెక్కింది. తనలా ఆలోచించే నలుగురు అమ్మాయిలను కలుపుకొని ప్రపంచంలోని అందాలను వీక్షించింది. ఆమె పేరు సీత. ఆమె కథతో తెరకెక్కిన మూవీ “సీత ఆన్ ది రోడ్”. ప్రణీత్ యారోన్ దర్శకత్వంలో ప్రనూప్, ప్రియాంక కలిసి నిర్మించిన ఈ చిత్రం పూర్తిగా రోడ్ పైనే షూటింగ్ జరుపుకుంది.
కర్ణాటక, గోవా రాష్ట్రాలలోని అందమైన ప్రాంతాల్లో చిత్రీకరించారు. కల్పిక గణేష్, కటేరా హకిమి, గాయత్రి గుప్తా, నేసా ఫర్హదీ, ఉమా లింగయ్య ప్రధాన పాత్రలలో నటించిన ఈ మూవీ ఫస్ట్ లుక్ పోస్టర్ ని మంచు లక్ష్మి విడుదల చేశారు. దీనికి విశేషస్పందన వచ్చింది. ముఖ్యంగా మహిళల మనసుదోచుకుంది. జనవరి ఫస్ట్ న యూట్యూబ్ లో రిలీజ్ అయిన “సీత ఆన్ ది రోడ్” టీజర్ నెటిజనులను ఆకట్టుకుంటోంది. ప్రశంసలు అందుకుంటోంది. ఈ చిత్రాన్ని పూర్తిగా వివిధ ప్రాంతాల్లోని రోడ్లపై షూట్ చేసినట్లు చిత్ర బృందం వెల్లడించింది. ఈ తరహాలో తెలుగులో మూవీ చేయడం ఇదే తొలిసారని ప్రకటించింది.
Also, do SUBSCRIBE to our YouTube channel to get latest Tollywood updates.
