మెగాస్టార్‌ చిరంజీవికి కేంద్ర ప్రభుత్వం పద్మ విభూషణ్‌ పురస్కారం ప్రకటించిన నేపథ్యంలో ఆయన ఇంటికి సినిమా సెలబ్రిటీల రాక కొనసాగుతోంది. టాలీవుడ్‌ దర్శకులు, యువ నటులు… ఇలా చాలామంది రోజూ వస్తూ ఉన్నారు. ‘విశ్వంభర’ సినిమా షూటింగ్‌లో చిరంజీవి త్వరలో పాల్గొననున్న నేపథ్యంలో ఇప్పుడు అందరూ వచ్చి కలుస్తున్నారు. అయితే ఇతర సినిమా పరిశ్రమల నుండి చిరుకు అభినందనలు రాలేదు, ఆ మాటకొస్తే ఇండస్ట్రీలోనే కొంతమంది నుండి రాలేదు అని విమర్శలు వస్తున్నాయి.
ఈ నేపథ్యంలో ఆదివారం జరిగిన ఓ విషయం ఇప్పుడు సోషల్ మీడియాలో వైరల్ అవుతోంది. కన్నడ ప్రముఖ నటుడు శివ రాజ్‌కుమార్‌… చిరంజీవి ఇంట సందడి చేశారు. పద్మవిభూషణ్‌ పురస్కారం ప్రకటించిన నేపథ్యంలో కంగ్రాట్స్‌ చెప్పేందుకు బెంగళూరు నుండి ఆయన హైదరాబాద్‌కు వచ్చారు. పుష్ప గుచ్ఛం అందజేసి శుభాకాంక్షలు తెలిపారు. ఈ మేరకు సోషల్ మీడియాలో కొన్ని ఫొటోలు వైరల్ అవుతున్నాయి. అయితే అందులో మరో విషయం కూడా వైరల్ అవుతోంది.
‘‘డియర్‌ శివ రాజ్‌కుమార్‌ (Siva Rajkumar) .. నన్ను అభినందించేందుకు బెంగళూరు నుండి వచ్చినందుకు ఆనందంగా ఉంది’’ అని ఆ ఫొటోలను చిరంజీవి షేర్‌ చేశారు. ఈ క్రమంలో దివంగత లెజండరీ నటుడు, శివ రాజ్‌కుమార్‌ తండ్రి రాజ్‌కుమార్‌తో ఉన్న అనుబంధాన్ని గుర్తు చేసుకున్నారు. అయితే ఈ విషయాలతోపాటు మరో విషయం వైరల్ అవుతోంది. అదే ఆ ఫొటోల్లో వైరల్ అవుతున్న ఓ ఫొటో ఫ్రేమ్‌.
అంతలా ఫొటో ఫ్రేమ్‌లో ఏముంది అని మీరు అనుకుంటున్నారు అంటే… ఆ వైరల్ ఫొటోలు మీరు చూడనట్లే. అందులో చిరు, చిరుత కలసి ఉన్నారు. చిరంజీవి కుర్చీలో ఉంటే… ముందు రామ్‌చరణ్‌ కూర్చున్న ఫొటో ఒకటి చిరంజీవి ఇంట్లో ఉంటుంది. పెయింటింగ్‌ తరహాలో ఉండే ఆ ఫొటో ఫ్రేమ్‌ మెగా ఫ్యాన్స్‌కి బాగా తెలుసు. చాలా రోజుల తర్వాత ఆ ఫ్రేమ్‌ కనిపించేసరికి ఫ్యాన్స్ ఖుష్‌ అవుతూ ఆ విషయాన్ని కామెంట్స్‌లో పోస్ట్‌ చేస్తున్నారు.
https://twitter.com/KChiruTweets/status/1754083108410802464
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!
Home