వరుసగా సినిమాలు ప్రకటించుకుంటూ రావడం ఒక కష్టం అయితే, వాటిని నిర్ణీత సమయంలో పూర్తి చేసి రిలీజ్ చేయడం ఇంకో కష్టం. అందులో కరోనా లాంటి పరిస్థితులు చుట్టూ ఉన్నప్పుడు అది ఇంకా కష్టం. ప్రస్తుతం టాలీవుడ్లో ఇలాంటి పరిస్థితులు ఎదుర్కొంటున్న హీరోల్లో పవన్ కల్యాణ్‌ ఒకరు. రాజకీయాల్లోకి వెళ్లాక రీఎంట్రీని ఘనంగా ఇచ్చారు పవన్. వరుసగా సినిమాలు ప్రకటించేశారు. అయితే కరోనా వచ్చి అంతా మార్చేసింది. దేశంలో తొలి విడత కరోనా వచ్చినప్పుడు అన్ని సినిమాలతోపాటు పవన్ సినిమాల చిత్రీకరణలు ఆగిపోయాయి.
తీరా మళ్లీ మొదలయ్యాయి అనుకుని ఆనందపడుతుండగా సెకండ్ వేవ్‌ వచ్చి మళ్లీ ఆగిపోయాయి. మధ్యలో పవన్‌కు కరోనా సోకడంతో కొన్నాళ్లు సినిమా చిత్రీకరణలు ఆగిపోయాయి. దీంతో మొత్తం ప్లానింగ్‌ మారింది అంటున్నారు. ప్రస్తుతం పవన్ చేతిలో ‘అయ్యప్పనుమ్‌ కొషియమ్‌’ రీమేక్‌, ‘హరి హర వీరమల్లు’ ఉన్నాయి. ఇవి కాకుండా హరీశ్‌ శంకర్‌ – మైత్రీ మూవీ మేకర్స్‌, సురేందర్‌ రెడ్డి – రామ్‌ తాళ్లూరి సినిమాలున్నాయి. లెక్క ప్రకారం చూస్తే… తొలుత ‘అయ్యప్పనుమ్‌ కొషియమ్‌’ రీమేక్‌ రావాలి.
ఆ తర్వాత ‘హరి హర వీరమల్లు’ రావాలి. ఆ తర్వాత మిగిలినవి. నిర్మాతలు కూడా ఇదే ప్రకటించారు. అయితే ఇప్పుడు ప్లాన్‌ మారిందట. ‘హరి హర వీరమల్లు’ బదులు హరీశ్‌ శంకర్‌ సినిమా లైన్‌లోకి తెస్తున్నారట. దానికి తగ్గట్టే పవన్ డేట్స్ అడ్జెస్ట్‌ చేస్తున్నార.ట ‘అయ్యప్పనుమ్‌ కొషియమ్‌’ రీమేక్‌ పనులు చివరిదశకొచ్చాయట. కాబట్టి దానిని ముందు ఫినిష్‌ చేసి, ఆ తర్వాత హరీశ్‌ శంకర్‌ సినిమా మొదలుపెడతారట. అంటే సంక్రాంతికి ‘హరి హర..’ బదులు హరీశ్‌ శంకర్‌ సినిమా వస్తుందేమో. పవన్ సాబ్‌ కాస్త క్లారిటీ ఇద్దురూ!
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home