‘టీవీ కూడా పంపించమంటావా’… నెటిజెన్ కు సోనూసూద్ స్ట్రాంగ్ రిప్లై..!

September 1, 2020 / 08:59 PM ISTByFilmy Focus

Join Us

‘టీవీ కూడా పంపించమంటావా’… నెటిజెన్ కు సోనూసూద్ స్ట్రాంగ్ రిప్లై..!

సినిమాల్లో విలన్ గా కనిపిస్తున్నప్పటికీ.. నిజ జీవితంలో మాత్రం హీరో అనిపించుకున్నాడు సోనూ సూద్. కరోనా వైరస్ కారణంగా ఏర్పడిన లాక్ డౌన్ టైములో ఎంతో మంది వలస కూలీలకు అతను మార్గం చూపించాడు. వారికి ఆహరం పెట్టాడు. వారిని సొంత ఊర్లకు పంపే ఏర్పాట్లు కూడా చేశాడు. మొన్నటికి మొన్న పేద రైతులకు కూడా తన వంతు సాయంగా ట్రాక్టర్లు పంపించాడు. అయితే ఆతని మంచితనాన్ని అందరూ గుర్తించి మెచ్చుకుంటున్న సమయంలో కొందరు మాత్రం రకరకాల సెటైర్లు వేస్తూ హడావిడి కూడా చేస్తున్నారు.

ఇటీవల ఓ నెటిజెన్.. ” ‘వి’ సినిమా చూడాలి. సంవత్సరానికి సరిపడా అమెజాన్ ప్రైమ్ మెంబెర్ షిప్ ఇప్పించు సోనూ భాయ్ అంటూ సోషల్ మీడియాలో సోనూ సూద్ ను ట్యాగ్ చేస్తూ ట్వీట్ చేసాడు. దానికి సోనూ …’ అమెజాన్ ప్రైమ్ మెంబెర్ షిప్ సరిపోతుందా… టీవీ, దాంతో పాటు ఏసి పాప్ కార్న్ కూడా పంపమంటావా’ అంటూ ఆ నెటిజన్ కు స్ట్రాంగ్ కౌంటర్ ఇచ్చాడు. నిజానికి మంచితనం కూడా కొంతమందికి కామెడీ గా కనిపిస్తుంది. కేవలం ఈ నెటిజన్ మాత్రమే కాదు… ఇంకా చాలా మంది నెటిజన్లు ఇలాంటి సిల్లీ ట్వీట్స్ చేస్తున్నారు. అయినప్పటికీ సోనూ సూద్ మాత్రం ఎంతో ఓపికగా వారికి సమాధానాలు ఇస్తున్నాడు.