బిగ్ బాస్ హౌస్ లో సీరియల్ ఆర్టిస్ట్ గా వచ్చిన శ్రీసత్య మొదటి రెండు వారాలు నెమ్మదిగా ఉంది. మూడోవారం పోలీసు – దొంగల టాస్క్ లో ఫస్ట్ టైమ్ కెప్టెన్సీ పోటీదారులు అయ్యింది. అంతేకాదు, రెండో లెవల్లో శ్రీహాన్ ఇంకా ఆదిరెడ్డిలతో సమానంగా పోరాడింది. దీంతో శనివారం హోస్ట్ నాగార్జున శ్రీసత్యని పొగడ్తలతో ముంచెత్తారు. నిజానికి అంతకుముందు శుక్రవారం ఎపిసోడ్ లో శ్రీసత్య అర్జున్ తో సెన్సేషనల్ కామెంట్స్ చేసింది. నేను ఇంటికి వెళ్లిపోవాలని ఉందని, కానీ వెళ్లిపోయేటపుడు మాత్రం నేనంటే ఏంటో చూపించి వెళ్లాలని ఉందని చెప్పింది.
అంతేకాదు, బిగ్ బాస్ హౌస్ కి నేను కేవలం డబ్బుకోసమే వచ్చానని, కొద్దో గొప్పో పేరు వచ్చినా చాలని చెప్పింది. అమ్మని, నాన్నని చూసుకోవడమే నాకు ఉన్న టాస్క్ అంటూ మాట్లాడింది. ఇదే టైమ్ లో అర్జున్ టచ్ చేసి మాట్లాడుతుంటే, చిరాకులో ఉన్నప్పుడు అస్సలు టచ్ చేయద్దంటూ అర్జున్ పై సీరియస్ అయ్యింది. బిగ్ బాస్ హౌస్ లో శ్రీసత్య చుట్టూ అర్జున్ తిరుగుతున్న సంగతి తెలిసిందే. టాస్క్ లో గోల్డెన్ కొబ్బరి బొండాం కూడా శ్రీసత్య అడిగిందని ఇచ్చేశాడు. ఈ ప్లేస్ లో వేరే ఎవరున్నా కూడా ఇవ్వనని క్లియర్ గా చెప్పాడు.
అంతేకాదు, శ్రీహాన్ కూడా అర్జున్ కి శ్రీసత్య మీద ఫీలింగ్స్ ఉన్నాయని ఓపెన్ గానే చెప్పాడు. దీంతో శ్రీసత్య అర్జున్ ని కొద్దిగా దూరంగానే పెడుతోంది. కానీ, మనోడు మాత్రం శ్రీసత్య ఏది చేసినా, ఏం మాట్లాడినా, విసుక్కున్నా కూడా పెద్దగా ఫీల్ అవ్వడం లేదు. అందుకే, ఆ చనువుతోనే జైల్లో ఉన్న అర్జున్ తో ఈ విషయాలు పంచుకుంది. ఆ తర్వాత కూడా రేవంత్ తో ఇప్పుడు డోర్స్ తీసి వెళ్లిపోమన్నా వెళ్లిపోవాలని ఉందని అందుకే, ఏదో ఆలోచిస్తున్నట్లుగా ఉన్నా అంటూ చెప్పింది. కానీ, రేవంత్ మాత్రం నువ్వు చాలా డల్ అయ్యావని అది తెలుస్తోందని శ్రీసత్యతో చెప్పాడు.
ప్రస్తుతం ఈవారం నామినేషన్స్ లో శ్రీసత్య లేదు. వచ్చేవారం కూడా నామినేషన్స్ లోకి వచ్చే అవకాశం కనిపించడం లేదు. మరి నాగార్జున వీకండ్ ఇచ్చిన బూస్టప్ తో నెక్ట్స్ టాస్క్ లో ఎలా పెర్ఫామ్ చేయబోతోంది అనేది ఆసక్తికరం. అదీ మేటర్.
