ఎక్కడ పెళ్లి చేసుకోవాలి, ఏ చీర కట్టుకోవాలో ఇప్పుడే ఫిక్స్ అయిపోయాను

35 ఏళ్ళు పైబడి.. కెరీర్ అయిపోతున్న హీరోయిన్స్ ను పెళ్లి ఎప్పుడు? ఎవరితో? వంటి ప్రశ్నలు అడిగితేనే అప్పుడే నాకు పెళ్ళేంటి? అంటూ 16 ఏళ్ల అమ్మాయిలా మెలికలు తిరిగిపోతుంటారు. కానీ.. నిండా పాతికేళ్లు కూడా నిండని జాన్వి కపూర్ మాత్రం తన పెళ్లి గురించి ఎవరూ ఊహించని విధమైన స్టేట్ మెంట్ ఇచ్చింది. ఇటీవల ఓ బ్రైడ్ మ్యాగ్జైన్ కి స్పెషల్ ఫోటోషూట్ తోపాటు ఇంటర్వ్యూ కూడా ఇచ్చిన జాన్వి కపూర్.. తన పెళ్లి సాంప్రదాయబద్ధంగానే జరుగుతుందని, అది కూడా తిరుపతిలోనే జరుగుతుంది అని చెప్పేసింది జాన్వి. ఎవర్ని పెళ్ళి చేసుకోవాలి అనే విషయంలో ఇప్పటివరకూ క్లారిటీ లేదని, ఎవరిపై ప్రేమ కూడా పుట్టలేదని తేల్చేసింది జాన్వి.

ఇకపోతే.. జాన్వికపూర్ ను “ఫైటర్” సినిమా ద్వారా తెలుగు తెరకు పరిచయం చేయాలని పూరీ జగన్నాధ్ తోపాటు బోణీ కపూర్ కూడా ప్రయత్నిస్తున్నాడు. విజయ్ దేవరకొండ హీరోగా తెరకెక్కనున్న ఈ యాక్షన్ డ్రామా రెగ్యులర్ షూటింగ్ డిసెంబర్ లో మొదలవ్వనుంది. సో, పూరీ & టీం అఫీషియల్ కన్ఫర్మేషన్ ఇచ్చేవరకూ జాన్వి తెలుగు డెబ్యు ఇంకా కన్ఫర్మ్ కానట్లే.