భర్తని చివరి చూపు కూడా చూడని నటి.. ఎందుకంటే..?

March 28, 2023 / 05:43 PM ISTByFilmy Focus

Join Us

భర్తని చివరి చూపు కూడా చూడని నటి.. ఎందుకంటే..?

సినిమా వాళ్ల జీవితాలు బయటకి కనిపించేంత అందంగా ఏమీ ఉండవు.. సంపాదనను బట్టి లగ్జరీ లైఫ్ అనుభవిస్తుంటారు కానీ సామెత చెప్పినట్టు ఎవరి కష్టాలు వారికుంటాయి.. ఇటీవల అప్పటి నటీనటులు తమ పర్సనల్, ప్రొషెషన్ గురించిన అరుదైన విషయాలు షేర్ చేసుకుంటున్నారు.. అవి తెలిసి పరిశ్రమ వారితో పాటు ప్రేక్షకులు కూడా భావోద్వేగానికి లోనవుతున్నారు.. తాజాగా ప్రముఖ నటుడు కన్నడ ప్రభాకర్ మూడో భార్య నటి అంజు తన జీవితంలోని చేదు సంఘటనల గురించి చెప్పుకొచ్చారు.. కన్నడ ప్రభాకర్.. అలియాస్ టైగర్ ప్రభాకర్.. కన్నడ, తెలుగు, హిందీ, తమిళ్, మలయాళం సినిమాల్లో నటించారు..

తెలుగులో చిరంజీవితో ‘పసిపాడి ప్రాణం’, ‘రాక్షసుడు’, ‘కొదమ సింహం’, ‘జగదీక వీరుడు అతిలోక సుందరి’ లాంటి సినిమాలు చేశారు.. అప్పటికి రెండు పెళ్లిళ్లు చేసుకున్న ప్రభాకర్ ఆ విషయాన్ని దాచి పెట్టి మరీ నటి అంజుని వివాహం చేసుకున్నారు.. తమిళ్, మలయాళం, తెలుగు, కన్నడ చిత్రాల్లో నటించిన అంజు.. ‘శేషు’ సినిమాలో రాజ శేఖర్ వదినగా కనిపించారు.. తెలుగులో శోభన్ బాబు, చిరంజీవి, మోహన్ బాబు వంటి సినిమాల్లో చైల్డ్ ఆర్టిస్ట్‌గా నటించారు.. తన 17వ ఏట తన కంటే సుమారు 30 ఏళ్ల పెద్దవాడైన ఓ నటుడిని ఎందుకు పెళ్లి చేసుకోవాల్సి వచ్చింది?..

తర్వాత ఎలాంటి ఇబ్బందులు ఎదుర్కొన్నారు అనే విషయాలను తాజాగా వెల్లడించారామె.. ‘‘ఓ కన్నడ సినిమా చేసేందుకు బెంగళూరు వెళ్లినప్పుడు… కన్నడ ప్రభాకర్.. తన సన్నిహితుల ద్వారా నన్ను పెళ్లి చేసుకుంటానని కబురు పంపారు.. అప్పుడు నా వయస్సు 17 ఏళ్లు, నేను పెళ్లికి సిద్ధంగా లేనని, సినిమాలు చేయాలనే అనుకున్నాను.. అయితే పదే పదే అడగటంతో ఈ విషయం గురించి అమ్మ, నాన్నలకు చెప్పాను.. అమ్మ బెంగళూరుకు వచ్చి కన్నడ ప్రభాకర్‌ని చూసి షాక్ అయ్యింది.. ఎందుకంటే.. అప్పటికే ఆయన వయస్సు నా నాన్న కంటే ఎక్కువ, సుమారు 50 ఏళ్లు ఉంటాయి..

అయితే అమ్మ చెన్నై వెళ్లిపోతే.. నేను ఇంటికి వెళ్లి ఒప్పించేందుకు ప్రయత్నించాను.. అయినా అమ్మ, నాన్నలు అంగీకరించలేదే, అయితే వారి పర్మిషన్ లేకుండానే అతడిని వివాహం చేసుకున్నాను.. ఆరు నెలలు కాపురం చేశాక.. తాను ప్రెగ్నెంట్‌గా ఉన్న సమయంలో తన పిల్లల్ని చూపించారు.. అప్పటికే ఆయనకి రెండు పెళ్లిళ్లు జరిగాయి, నేను మూడవ దాన్ని అని తెలిసి మోసపోయానని అర్థమైంది.. పెళ్లికి ముందు ఈ విషయం చెప్పకుండా.. నన్ను నమ్మక ద్రోహం చేసి పెళ్లి చేసుకున్నారు.. తనను చాలా నమ్మాను.. వాళ్లు కూడా అలాగే మాట్లాడారు..

ఈ విషయం జీర్ణించుకోలేక.. ఆ వయస్సులో ఏమీ చేయలేక తిరిగి తల్లిదండ్రులకు వచ్చేశాను.. నేను నిలదీసినందుకు కన్నడ ప్రభాకర్ నన్ను బ్యాడ్ చేశారు.. ఇంట్లో నుండి వెళ్లిపోయేటప్పుడు.. ‘తిరిగి ఈ ఇంటికి రాను.. నేను చనిపోయినా, నువ్వు చనిపోయినా.. తిరిగి నీ ముఖం నేను చూడాలనుకోవడం లేదు’ అని చెప్పేసి వచ్చేశాను.. అందుకే ఆయన చనిపోయాక చివరి చూపుకు కూడా వెళ్లలేదు.. ఆ సమయంలో చాలా బంగారాన్ని ఆయన దగ్గరే వదిలేసి వచ్చేశాను.. బాబు పుట్టాక డిప్రెషన్‌లోకి వెళ్లిపోయాను.. అమ్మ చెప్పడంతో, తిరిగి మళ్లీ పరిశ్రమలోకి అడుగు పెట్టాను.. ఇటీవల పలు సినిమాలు, సీరియల్స్ చేశాను’’ అని చెప్పుకొచ్చారు అంజు..