నూతన నటుడు కార్తికేయ హీరోగా యువ దర్శకుడు అజయ్ భూపతి తెరకెక్కించిన “ఆర్ఎక్స్ 100” ఊహించని విజయం అందుకుంది. రెండున్నర కోట్లతో నిర్మించబడిన ఈ సినిమా రెండు రోజుల్లోనే 2.53 కోట్ల షేర్ వసూలు చేసి ఔరా అనిపించింది. తొలి వీకెండ్ నాటికి పదికోట్ల గ్రాస్ తో దూసుకుపోతోంది. ఈ సినిమా విజయాన్ని అందరూ గొప్పగా చెప్పుకుంటున్నారు. ఇద్దరు మాత్రం ఎందుకు ఈ కథని వద్దన్నామా? అని పశ్చాత్తాపపడుతున్నారు. వారెవరో కాదు విజయ్ దేవర కొండ, సుధీర్ బాబు. ఈ చిత్ర దర్శకుడు అజయ్ భూపతి కథని రాసుకోగానే.. మొదటగా విజయ్ దేవరకొండకి వినిపించారు. అప్పటికీ విజయ్ పెళ్లిచూపులు సినిమా రాలేదు.
అతనికి క్రేజ్ రాకపోయినప్పటికీ కొన్ని కారణాల వల్ల విజయ్ దేవరకొండ ఈ చిత్రాన్ని రిజెక్ట్ చేశారు. ఆ తర్వాత అజ‌య్‌భూప‌తి దాదాపు మూడు నెలల పాటు సుధీర్ బాబు కోసం తిరిగాడ‌ట. కానీ సుధీర్ బాబు ఈ సినిమా చేయటానికి ఇంట్రస్ట్ చూపించలేదు. దాంతో చేసేది లేక నూతన నటుడు కార్తికేయ దగ్గరికి వెళ్లారు. అతను కథని ఓన్ చేసుకొని కష్టపడి నటించారు. మంచి పేరు తెచ్చుకున్నారు. ఈ కథని విజయ్, సుధీర్ చేసి ఉంటే వారి కెరీర్ కి ప్లస్ అయ్యేదని సినీ విశ్లేషకులు భావిస్తున్నారు. అంతేకాదు కలక్షన్స్ కూడా భారీగా వచ్చేవని అభిప్రాయాన్ని వ్యక్తం చేశారు.
