తమిళ హీరో విజయ్ నటించిన ‘వరిసు’ సినిమా ఇటీవలే ప్రేక్షకుల ముందుకు వచ్చింది. కోలీవుడ్ లో ఈ సినిమాకి పాజిటివ్ టాక్ వస్తోంది. తెలుగులో మాత్రం ఈ సినిమా జనవరి 14న రిలీజ్ కానుంది. ఈ సినిమాలో విజయ్ కి జోడీగా రష్మిక మందన్నా నటించింది. అలానే శ్రీకాంత్, జయసుధ, సంగీత లాంటి తెలుగు నటులు కీలకపాత్రల్లో నటించారు. అయితే ఈ సినిమా మొదలవ్వడానికి ముందు ఖుష్బూ కూడా నటిస్తున్నట్లు ప్రచారం జరిగింది.
అంతేకాదు.. సినిమా టీమ్ రిలీజ్ చేసిన ఫొటోల్లో కూడా ఖుష్బూ కనిపించింది. ఖుష్బూ కూడా ‘వారసుడు’ సినిమాలో నటిస్తున్నట్లు చెప్పింది. కానీ ‘వరిసు’ సినిమాలో ఖుష్బూ ఎక్కడా కనిపించలేదట. ట్రైలర్ లో ఆమె కనిపించకపోవడంతో ఆమె పాత్రకి ఏదైనా సర్ప్రైజింగ్ ఎలిమెంట్ జోడించి ఉంటారని అనుకున్నారు. అయితే సినిమాకి ఎండ్ కార్డు పడే వరకు ఖుష్బూ కనిపించలేదట. అసలు ఆమెని కట్ చేయడానికి గల కారణం ఏంటని ఆరా తీస్తున్నారు అభిమానులు.
నిజానికి ఖుష్బూ అంటే తమిళ ఆడియన్స్ కి విపరీతమైన ప్రేమ. ఆమె సినిమాలో నటిస్తుందని తెలిసినప్పుడు అందరూ ఆనందపడ్డారు. అయితే ఆఖరి నిమిషంలో ఖుష్బూ పాత్రని సినిమా నుంచి తొలగించడమో, ఆమె నటించాల్సిన పాత్ర కోసం వేరొకరిని ఎంపిక చేయడమో జరిగి ఉంటుంది. ఖుష్బూని విజయ్ తల్లి పాత్ర కోసమే తీసుకొని ఉంటారని.. తరువాత ఆమె స్థానంలో జయసుధని ఎంపిక చేసి ఉంటారని చర్చించుకుంటున్నారు.
అయితే దీనిపై సినిమా టీమ్ స్పందించలేదు. ఇదివరకు ‘వారసుడు’ సినిమాలో నటిస్తున్నట్లు ట్విట్టర్ వేదికగా వెల్లడించింది ఖుష్బూ. ‘ఈ కుటుంబంలో భాగమవుతున్నందుకు చాలా సంతోషంగా ఉంది’ అంటూ ట్వీట్ వేసింది. అలానే సినిమా గురించి తాను ఇంకా ఏదైనా చెప్పాలంటే.. ప్రొడక్షన్ డిపార్ట్మెంట్ నుంచి అధికారిక సమాచారం తెలియాల్సి ఉందని కూడా రాశారు. మొత్తానికి ఆమెని టీమ్ నుంచి తొలగించి ఫ్యాన్స్ కి షాకిచ్చింది టీమ్.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
