అక్టోబర్ నెలలో తెలుగు రాష్ట్రాల్లోని థియేటర్లలో కాంతార తెలుగు వెర్షన్ విడుదల కాగా ఈ సినిమా పెద్దగా అంచనాలు లేకుండా విడుదలై టాలీవుడ్ బిగ్గెస్ట్ బ్లాక్ బస్టర్ హిట్లలో ఒకటిగా నిలిచింది. మెజారిటీ ప్రేక్షకులకు ఈ సినిమా నచ్చింది. ప్రపంచవ్యాప్తంగా ఇప్పటివరకు 16 కోట్ల రూపాయల బడ్జెట్ తో తెరకెక్కిన కాంతార మూవీ 245 కోట్ల రూపాయల కలెక్షన్లను సొంతం చేసుకోవడం గమనార్హం. రిషబ్ శెట్టి ఫ్యాన్స్ తో పాటు సాధారణ ఫ్యాన్స్ ను సైతం ఈ సినిమా ఆకట్టుకుంది.
అయితే ప్రముఖ దర్శకులలో ఒకరైన అభిరూప్ బసుకు మాత్రం ఈ సినిమా నచ్చలేదు. ఈ సినిమా గురించి అభిరూప్ బసు నెగిటివ్ కామెంట్లు చేశారు. కాంతార మూవీ తనకు అస్సలు నచ్చలేదని ఆయన చెప్పుకొచ్చారు. ఆ సినిమాలో అంతలా ఏముందని ఈ స్థాయిలో ఎగబడుతున్నరని అభిరూప్ బసు కామెంట్లు చేశారు. కాంతార మూవీ ప్రజల తెలివితేటలను అపహాస్యం చేసిందని ఆయన చెప్పుకొచ్చారు. అయితే అభిరూప్ బసు చేసిన కామెంట్లపై నెటిజన్లు తీవ్రస్థాయిలో ఫైర్ అవుతున్నారు.
అభిరూప్ బసు ఈ సినిమా తనకు నచ్చలేదని చెప్పడంలో తప్పు లేదని అయితే ఆయన ప్రజల తెలివితేటల గురించి చెత్త కామెంట్లు చేయడం ఏంటని మరి కొందరు చెబుతున్నారు. అభిరూప్ బసు కాంతార లాంటి సినిమా తీయలేరని అందుకే ఈ తరహా కామెంట్లు చేస్తున్నారని కొంతమంది వెల్లడిస్తున్నారు.
పబ్లిసిటీ కోసం ఇలాంటి చీప్ ట్రిక్స్ ను అభిరూప్ బసు ఉపయోగిస్తున్నారని మరి కొందరు చెబుతున్నారు. రిషబ్ ఫ్యాన్స్ చేస్తున్న నెగిటివ్ కామెంట్లు సోషల్ మీడియాలో వైరల్ అవుతున్నాయి. కాంతార సినిమా సక్సెస్ తో ఈ తరహాలో మరిన్ని సినిమాలను తెరకెక్కించే దిశగా అడుగులు పడుతున్నాయి. ఈ కామెంట్ల గురించి రిషబ్ శెట్టి ఏ విధంగా స్పందిస్తారో చూడాల్సి ఉంది.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
