దీపావళి రోజు అభిమానులకు ట్రీట్ ఇవ్వబోతున్న హీరోలు!

పండగ వచ్చిందంటే ఆ సందడి మాములుగా ఉండదు ఎందుకంటే సినిమాలు ఎక్కువగా పండుగ రోజుల్లోనే రిలీజ్ అవుతుంటాయి. కానీ ఈసారి దీపావళి పండగకి మన తెలుగు సినిమాలు ఒక్కటి కూడా రిలీజ్ అవ్వకపోవడం కొంచం నిరాశ కలిగించే విషయమే అయినప్పటికీ ఒక ముగ్గురు హీరోలు మాత్రం దీపావళి పండగకి వారి ఫస్ట్ లుక్ తో అభిమానులకు ట్రీట్ ఇవ్వనున్నారు.

మెగాపవర్ స్టార్ రామ్ చరణ్ తేజ్, డైరెక్టర్ బోయపాటి శ్రీను డైరెక్షన్ లో వస్తున్న సినిమా షూటింగ్ చివరి దశలో ఉంది. అయితే ఈ సినిమాకి సంబంధించి ఎలాంటి విషయాలు అనేవి బయటికి రావడంలేదు, ఇప్పటివరకు సినిమా టైటిల్ ఏంటో కూడా తెలియకపోవడంతో అభిమానులు చాలా నిరాశలో ఉన్నారు. అయితే దీపావళి రోజున ఈ సినిమాకి సంబంధించిన ఫస్ట్ లుక్ ని రిలీజ్ చేయనున్నట్లు చిత్ర యూనిట్ తెలియచేసారు.

దీనితో పాటుగా, వెంకటేష్ – వరుణ్ తేజ్ కాంబినేషన్లో అనిల్ రావిపూడి దర్శకత్వంలో దిల్ రాజు నిర్మిస్తున్న ఎఫ్ 2 సినిమా ఫస్ట్ లుక్ కూడా దీపావళి రోజున రానుంది. ఇంకా కళ్యాణ్ రామ్ హీరోగా గుహన్ దర్శకత్వంలో తెరకెక్కుతున్న సినిమాకి సంబంధించిన ఫస్ట్ లుక్ కూడా దీపావళి రోజున రిలీజ్ చేయనున్నారు.