టాలీవుడ్ సూపర్ స్టార్ మహేష్ బాబు హీరోగా నటించిన ‘సర్కారు వారి పాట’ చిత్రం మరికొన్ని గంటల్లో అంటే మే 12న విడుదల కాబోతుంది. మహేష్ బాబు అభిమానులతో పాటు సినీ ప్రేక్షకులంతా ఈ మూవీ కోసం ఎంతో ఆసక్తిగా ఎదురుచూస్తున్నారు. పరశురామ్ పెట్ల దర్శకత్వం వహించిన ఈ చిత్రానికి తమన్ సంగీత దర్శకుడు కాగా కీర్తి సురేష్ హీరోయిన్ గా నటించింది. ‘మైత్రి మూవీ మేకర్స్’ ’14 రీల్స్ ప్లస్’ సంస్థలు కలిసి ఈ చిత్రాన్ని నిర్మించాయి.
మహేష్ బాబు కూడా సహా నిర్మాతగా వ్యవహరించారు. ఈ మూవీ తర్వాత మహేష్ బాబు త్రివిక్రమ్ దర్శకత్వంలో ఓ సినిమా చేయబోతున్నాడు. అటు తర్వాత రాజమౌళి దర్శకత్వంలో సినిమా చేయబోతున్నాడు. రాజమౌళితో సినిమా అనేది చాలా ఏళ్ళ నుండీ జరుగుతున్న ప్రచారం. ‘పోకిరి’ టైములోనే వీళ్ళ కాంబోలో సినిమా ఉంటుందని ప్రకటించారు. ఇన్నాళ్టికి ఆ ప్రాజెక్టు సెట్ అయ్యింది. రాజమౌళి కంటే ముందు నుండే మహేష్ కోసం ఓ స్టార్ డైరెక్టర్ ఎదురుచూస్తున్నాడు.
ఏకంగా 20 ఏళ్ళ నుండి మహేష్ కోసం ఆ స్టార్ డైరెక్టర్ వెయిట్ చేస్తున్నాడట. అతను మరెవరో కాదు వి. సముద్ర. గతంలో ఇతను కూడా స్టార్ డైరెక్టర్ అన్న సంగతి ఇప్పటి కుర్రకారుకి పెద్దగా తెలిసుండకపోవచ్చు. గతంలో ఇతను ‘సింహరాశి’ ‘శివరామరాజు’ ‘ఎవడైతే నాకేంటి’ వంటి హిట్ చిత్రాలను తెరకెక్కించాడు. ‘ఒక్కడు’ టైంలోనే మహేష్ కు ఇతను ఓ కథ వినిపించాడట. అది మహేష్ కు బాగా నచ్చింది. ‘సూపర్ గుడ్ ఫిలిమ్స్’ వారు ఈ చిత్రాన్ని నిర్మించాల్సి ఉంది.
కానీ బడ్జెట్ ఎక్కువ అవుతుంది అనే ఉద్దేశంతో వాళ్ళు వెనకడుగు వేశారట. దాంతో ఈ ప్రాజెక్టు ఆగిపోయింది. ఇప్పటికీ మహేష్ కనుక వి.సముద్రకి ఎదురైతే ‘ఏవండీ..ఆ కథ ఉందా.. ఎవరికైనా ఇచ్చేశారా’ అంటూ అడుగుతాడని ఓ సందర్భంలో చెప్పుకొచ్చారు వి.సముద్ర.
Most Recommended Video
అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!
Home