యువ హీరో స్టార్ డమ్ ను అణగదొక్కే ప్రయత్నంలో స్టార్ యాక్టర్!

సాటి హీరో స్టార్ డమ్ & సక్సెస్ రేట్ చూసి మరో హీరో కుళ్లుకోవడం అనేది ఏ ఇండస్ట్రీలో అయినా సర్వసాధారణంగా జరిగే విషయం. అయితే.. టాలీవుడ్ లో మాత్రం ఓ స్టార్ హీరో తనకు పోటీ కాకపోయినా.. త్వరలోనే తన స్థాయికి ఎక్కడ ఎదిగిపోతాడేమోననే భయంతో ఓ యువ హీరో కెరీర్ తో ఆడుకోవడం కోసం ప్లాన్ చేస్తున్నాడని వినికిడి. వరుస విజయాలతో మంచి జోరు మీద ఉన్న ఆ యంగ్ హీరో తదుపరి చిత్రం త్వరలోనే విడుదలకానుంది. సదరు సినిమాను ఆల్రెడీ ఆ స్టార్ హీరో చూశాడట. ఆ సినిమా విడుదలైతే ఎక్కడ సూపర్ హిట్ అయిపోతుందేమో, అసలే వరుస విజయాలతో దూసుకుపోతున్న ఆ హీరోకి ఇంకా క్రేజ్ పెరిగిపోతుందేమోనని భయపడిన ఆ స్టార్ హీరో సారు ఆ సినిమాను విడుదలవ్వనివ్వకుండా చేయడానికి నానా పాట్లూ పడుతున్నాడట.

అందుకోసం తన కాంటాక్ట్స్ ను కాస్త గట్టిగా వాడడమే కాకుండా ఆ యువ హీరో వద్దకు వెళ్ళే కొత్త లేదా సీనియర్ దర్శకులకు “అతనితో సినిమాలు చేస్తే భవిష్యత్ లో నాతో సినిమా చేసే ఛాన్స్ ఇవ్వను” అని బెదిరిస్తున్నాడట. మరి ఈ బెదిరింపులు ఎంతవరకూ వర్కవుతాయి అనేది చెప్పలేము కానీ.. టాలెంట్ తో ఎదుగుతున్న యంగ్ హీరోని చూసి ఆ స్టార్ హీరోగారు అంతగా కుళ్ళుకోవడం ఎందుకో మాత్రం అర్ధం కావడం లేదు. చూద్దాం మరి ఈ ఇద్దరి మధ్య విభేధాలు కొలిక్కి వస్తాయో లేక ఈ అంతర్యుద్ధం జరుగుతునే ఉంటుందో.