క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ రష్మిక జంటగా ఎర్రచందనం స్మగ్లింగ్ నేపథ్యంలో తెరకెక్కిన మొట్టమొదటి పాన్ ఇండియా చిత్రం పుష్ప. ఈ సినిమా పాన్ ఇండియా స్థాయిలో గత ఏడాది డిసెంబర్ 17 వ తేదీ విడుదల అయి బాక్సాఫీసు వద్ద ఎంతో అద్భుతమైన విజయాన్ని అందుకుంది. రెండు తెలుగు రాష్ట్రాలలోనే కాకుండా ఇండస్ట్రీలో ఈ సినిమా విపరీతమైన క్రేజ్ ఏర్పరుచుకుందని చెప్పాలి.
ఇండస్ట్రీలో ఏ విధమైనటువంటి అంచనాలు లేకుండా విడుదలైన ఈ సినిమా ఊహించిన విధంగా వంద కోట్లకు పైగా కలెక్షన్లను రాబట్టడమేకాకుండా బాలీవుడ్ ఇండస్ట్రీలో అల్లు అర్జున్ మార్కెట్ అమాంతం పెంచేసింది. ఇకపోతే అల్లు అర్జున్ నటించిన ఈ సినిమాలో డైలాగులు పాటలు ప్రతి ఒక్క ప్రేక్షకుడిని ఆకట్టుకున్నాయి. ఈ క్రమంలోనే ఎంతోమంది ఈ సినిమాలో డైలాగులు చెబుతూ, పాటలకు రీల్స్ చేస్తూ ఆ వీడియోలను సోషల్ మీడియా వేదికగా అభిమానులతో పంచుకున్నారు.
సాధారణ అభిమానుల నుంచి సెలబ్రిటీల వరకు రీల్స్ చేస్తూ సోషల్ మీడియాలో షేర్ చేశారు.ఇలా ఈ సినిమా విడుదల అయ్యి దాదాపు ఆరు నెలలు కావస్తున్నా ఇప్పటికీ ఈ సినిమా క్రేజ్ ఏమాత్రం తగ్గలేదని చెప్పాలి. బహుశా ఒక సినిమా విడుదలై ఆరు నెలలు అయినా కూడా ట్రెండింగ్ లో ఉన్న సినిమా పుష్ప సినిమా అనే చెప్పాలి. తాజాగా ఈ సినిమాలో అల్లు అర్జున్ రష్మిక గెటప్స్ తో కూడిన షర్ట్స్ మార్కెట్లో విడుదలయ్యాయి.ఈ క్రమంలోనే ఎంతోమంది అభిమానులు పుష్ప షర్ట్స్ ధరించి ఆ ఫోటోలను సోషల్ మీడియాలో షేర్ చేస్తున్నారు.
ప్రస్తుతం ఈ ఫోటోలు సోషల్ మీడియాలో వైరల్ అవడంతో ఈ సినిమాకు ఇంకా ఏ మాత్రం క్రేజ్ తగ్గలేదని తెలుస్తోంది.ఇలా పుష్ప సినిమా ద్వారా బాక్సాఫీస్ వద్ద సరికొత్త రికార్డులను క్రియేట్ చేసిన అల్లు అర్జున్ తదుపరి పుష్ప 2 సినిమా ద్వారా ఎలాంటి రికార్డులు సృష్టిస్తారో అని ప్రతి ఒక్క అభిమాని ఈ సినిమా కోసం ఎంతో ఆతృతగా ఎదురుచూస్తున్నారు. అయితే ఈ సినిమా షూటింగ్ మరి కాస్త ఆలస్యం కానున్నట్లు తెలుస్తోంది.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
Home