మెగాస్టార్ చిరంజీవి ఎప్పుడూ లేని విధంగా మీసం తీసేసి కొత్త లుక్ లో దర్శనమిచ్చారు. ఆ లుక్ లో ఆయన బ్లూ టి షర్ట్ ధరించిన పిక్ ఒకటి ఇప్పుడు నెట్టింట్లో తెగ హల్ చల్ చేస్తుంది. ఈ పిక్ చూస్తే ఆయన వయసు 63 ఏళ్ళు అంటే ఎవ్వరూ నమ్మరేమో..! అంత యంగ్ గా కనిపిస్తున్నారు చిరు. ఇప్పుడున్న స్టార్ హీరోలను మించి యంగ్ గా కనిపిస్తున్నారు అనడంలో కూడా అతిశయోక్తి ఉండదేమో..! సరే అదంతా పక్కన పెట్టేస్తే.. అసలు ‘చిరు ఎందుకు ఇలా మీసం తీసేసి కొత్త లుక్ లో కనిపిస్తున్నారు.
ఆయన కొత్త సినిమాలో పాత్ర కోసం ఇలా మారిపోయారా? అనే అనుమానాలు అందరిలోనూ ఉన్నాయి. దానికి చిరంజీవి బదులిస్తూ.. “లాక్ డౌన్ కారణంగా ఇంట్లోనే ఖాళీ ఉండడంతో చాలా బోర్ ఫీల్ అవుతున్నాను. ఇప్పుడు షూటింగ్ కూడా మొదలుపెట్టలేని పరిస్థితి. ఈ ఖాళీ టైములో ఏదైనా కొత్తగా ట్రై చెయ్యాలి అనిపించింది. అందుకే ఇలా మీసం తీసేసి కొత్త లుక్ ట్రై చేశాను. ఇది సినిమా కోసం కాదు… జస్ట్ క్యాజువల్ గా..అంతే” అంటూ చిరు చెప్పుకొచ్చారు.
ప్రస్తుతం చిరంజీవి.. కొరటాల శివ డైరెక్షన్లో ‘ఆచార్య’ అనే చిత్రం చేస్తున్న సంగతి తెలిసిందే. కాజల్ ఈ చిత్రంలో హీరోయిన్ గా నటిస్తుంది. ఇప్పటికే 40శాతం షూటింగ్ పూర్తయ్యింది. త్వరలోనే ఈ చిత్రం షూటింగ్ ను పునః ప్రారంభించి… వీలైనంత త్వరగా ఫినిష్ చెయ్యాలని ‘ఆచార్య’ టీం భావిస్తుంది. మెగా పవర్ స్టార్ రాంచరణ్ కూడా ఈ చిత్రంలో కీలక పాత్ర పోషిస్తున్న సంగతి తెలిసిందే.
1
2
Most Recommended Video
40 ఏళ్ళ వయసొచ్చినా.. పెళ్లి గురించి పట్టించుకోని హీరొయిన్స్..!
విడాకులతో కోట్లకు పడగెత్తిన సెలెబ్రిటీలు!
ఈ సూపర్ హిట్లను మిస్ చేసుకున్న టాలీవుడ్ హీరోలు..?
