Hanuman Ansh: తొలి రెండు వారాల్లో రూ. కోటిన్నర.. మూడో వారంలో రూ.10 కోట్లు.. అదుర్స్‌ కదా

ఓ సినిమా తొలి రెండు వారాల్లో రూ. కోటిన్నర మాత్రమే వచ్చింది. దీంతో ఇక ఈ సినిమాను థియేటర్ల నుండి తీసేయడమే అనుకున్నారు. కానీ అనూహ్యంగా మూడో వారం రూ.10 కోట్ల వరకు వసూళ్లు వచ్చాయి. దీంతో అసలు గేమ్‌ స్టార్ట్‌ అయింది అనుకున్నారు. నాలుగో వారానికి వచ్చేసరికి ఆ వసూళ్లు సుమారు రూ.48 కోట్లకు చేరాయి. దీనిని పవర్‌ ఆఫ్‌ మౌత్‌ టాక్‌ అని అంటారు. ఇలా బ్లాక్‌బస్టర్‌ హిట్‌ కొట్టిన సినిమా పేరు ‘హనుమాన్‌ అంశ్‌’. ఆగస్టు 7న విడుదలైన హిందీ సినిమా ఇది,.

Hanuman Ansh

‘హనుమాన్‌ అంశ్‌’.. ఎలాంటి స్టార్లూ లేకుండా.. తెలిసిన నటులు లేకుండా సాదాసీదాగా వచ్చిన సినిమా ఇది. పైన చెప్పినట్లుగా తొలి రోజు సినిమా వసూళ్లు రూ.10 లక్షలు మాత్రమే. తొలి వారంలో రూ. కోటి రూపాయలు. రెండో వారం మొత్తం రూ.40 లక్షలే వచ్చాయి. అంటే మొత్తంగా రూ.1.48 కోట్లు మాత్రమే వచ్చాయి. కానీ మూడో వారంలో రూ.10.4 కోట్లు వచ్చాయి. అంటే తొలి రెండు వారాలకు ఇంచుమించు పది రెట్లు. నాలుగో వారంలోకి వచ్చేసరికి ఈ సినిమా రూ.47.33 కోట్ల వసూళ్లు సాధించింది.

1900-1973 మధ్య జీవించిన ప్రముఖ ఆధ్యాత్మిక గురువు, హనుమాన్‌ భక్తుడు నీమ్‌ కరోలి బాబా (మహరాజ్‌జీ) జీవితం, ఆయన చేసిన బోధనల ఆధారంగా విశాల్‌ చతుర్వేది ఈ సినిమాను రూపొందించారు. ఈ సినిమా ప్రచారానికి డబ్బుల్లేక చిత్రబృందం వివిధ చోట్ల సామూహిక అన్నదానం నిర్వహించి, తమ సినిమాను చూడమని వారిని కోరారు. అంతే కాకుండా నీమ్‌ కరోలి బాబాను ఆరాధించేవారు థియేటర్లకు తరలివచ్చారు. సినిమా బాగుందన్న ప్రచారం ఊపందుకోవడంతో వసూళ్లు పుంజుకున్నాయి. దీంతో ఈ సినిమా ఇప్పుడు టాక్‌ ఆఫ్‌ ది ఇండియాగా మారింది

కామెడీ మారిపోయింది.. ఇప్పుడలా తీస్తే కష్టమే: అల్లరి నరేశ్‌ కామెంట్స్‌ వైరల్‌