సుధీర్ బాబు హీరోగా నిలబడడానికి ఎంతో కష్టపడుతున్నాడు.’ప్రేమకథా చిత్రం’ ‘భలే మంచి రోజు’ ‘సమ్మోహనం’ వంటి చిత్రాలతో హిట్లు అందుకున్న సుధీర్ బాబు.. ప్రస్తుతం నానితో కలిసి ఇంద్రగంటి మోహన్ కృష్ణ డైరెక్షన్లో ‘వి’ అనే చిత్రంలో నటిస్తున్నాడు. కృష్ణ, మహేష్ బాబు ల.. రిఫరెన్స్ తో ఇండస్ట్రీకి ఎంట్రీ ఇచ్చినప్పటికీ.. సొంతంగా ఎదగాలనో .. ఏమో కానీ… వారి క్రేజ్ ను ఇతను పెద్దగా వాడుకోవట్లేదు అనే ఇండస్ట్రీలో కొందరు చెబుతున్నారు.
సినిమా ప్రీ రిలీజ్ వేడుకలకు మాత్రమే కృష్ణ, మహేష్ లను ఆహ్వానిస్తున్నాడు సుధీర్ బాబు. ఇదిలా ఉంటే.. ఈ యంగ్ హీరో ఓ విషయంలో నందమూరి తారక రామారావు, అక్కినేని నాగేశ్వరరావు అలాగే కృష్ణ లనే ఫాలో అవుతున్నాడని తెలుస్తుంది. వివరాల్లోకి వెళితే.. సుధీర్ బాబు సొంతంగా ఓ స్టూడియోని నిర్మించాలని ప్లాన్ చేస్తున్నాడట. ఈ విషయాన్ని స్వయంగా సుధీర్ బాబే ఓ ఇంటర్వ్యూలో చెప్పుకొచ్చాడు.
ఇప్పటికే తెలుగులో సీనియర్ ఎన్టీఆర్… రామకృష్ణ స్టూడియోస్ ను , అక్కినేని నాగేశ్వర రావు.. అన్నపూర్ణ స్టూడియోస్ ను, కృష్ణ.. పద్మాలయా స్టూడియోస్ ను.. నిర్మించిన సంగతి తెలిసిందే. ఇపుడు వీరి బాటలోనే సుధీర్ బాబు కూడా నడవబోతున్నట్టు స్పష్టమవుతుంది.అందుకోసం మంచి స్థలాన్ని కొనుగోలు చెయ్యాలని కూడా సుధీర్ బాబు వెతుకుతున్నట్టు సమాచారం. అయితే ఈ స్టూడియోని హైదరాబాద్ లో నిర్మిస్తాడా? లేక వైజాగ్ లో నిర్మిస్తాడా అన్నది తెలియాల్సి ఉంది.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
