Sudigali Sudheer: గెటప్ శీను అనే వాడు చెప్పకపోతే నేను లేను!

సుడిగాలి సుదీర్ తెలుగు సినీ ప్రేక్షకులకు పరిచయం అవసరం లేని పేరు జబర్దస్త్ కార్యక్రమంలో కమెడియన్ గా పనిచేసినటువంటి ఈయన అతి తక్కువ సమయంలోనే తన నటన నైపుణ్యంతో టీం లీడర్ గా గుర్తింపు సంపాదించుకున్నారు. అనంతరం ఇతర కార్యక్రమాలకు యాంకర్ గా వ్యవహరించారు. ఇలా అతి తక్కువ సమయంలోనే సుడిగాలి సుదీర్ బుల్లితెర మెగాస్టార్ అనే పేరు ప్రఖ్యాతలు సంపాదించుకున్నారు. ఇక బుల్లితెర కామెడీ షో ల ద్వారా ఎంతో మంది అభిమానులను సొంతం చేసుకున్నటువంటి ఈయనకు సినిమా అవకాశాలు కూడా వచ్చాయి.

ఇలా సినిమా అవకాశాలను అందుకుంటున్నటువంటి సుధీర్ ప్రస్తుతం వరుస సినిమాలలో నటిస్తూ బిజీగా ఉన్న నేపథ్యంలో బుల్లితెర కార్యక్రమాలకు గుడ్ బై చెప్పారు. ఈయన చివరిగా గాలోడు అనే సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్నారు. తాజాగా కాలింగ్ సహస్ర అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా డిసెంబర్ ఒకటవ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

ఈ సినిమా ప్రమోషన్ కార్యక్రమాలలో భాగంగా బుధవారం హైదరాబాదులో ప్రీ రిలీజ్ వేడుకను నిర్వహించారు. ఈ కార్యక్రమంలో భాగంగా సుడిగాలి సుదీర్ మాట్లాడుతూ ఎమోషనల్ అయ్యారు. ఎక్కడో మిమిక్రీ చేసుకుంటూ ఉన్నటువంటి తనకు గెటప్ శీను అనేవాడు వేణు అన్నని కలవమని చెప్పకపోతే మల్లెమాలవారు నాకు అవకాశం ఇవ్వకపోతే నేను మీ ముందుకు వచ్చేవాడిని కాదని మీ అభిమానాన్ని పొందేవాడిని కాదని తెలిపారు. ఇలా మీ అందరి ముందుకు వచ్చి ఇంత మంచి అభిమానాన్ని సొంతం చేసుకున్నందుకు నేను ఎప్పుడు మీకు రుణపడి ఉంటానని

ఎన్ని జన్మలైనా మీ రుణం తీర్చుకోలేను అంటూ అభిమానులను ఉద్దేశిస్తూ ఈయన ఎమోషనల్ కామెంట్ చేశారు.గాలోడు సినిమా ద్వారా నన్ను ప్రతి ఒక్కరూ ఆదరించాలని ఇలాంటి మంచి సినిమాలు చేస్తేనే మీ అభిమానాన్ని పొందగలనని నా శ్రేయోభిలాషులు నాకు సలహా ఇవ్వడంతో కాలింగ్ సహస్ర అనే సరికొత్త కథాంశంతో తెరకెక్కిన సినిమా ద్వారా మీ ముందుకు రాబోతున్నానని ఈ సందర్భంగా సుడిగాలి సుదీర్ (Sudigali Sudheer) చేసినటువంటి కామెంట్స్ ప్రస్తుతం సోషల్ మీడియాలో వైరల్ అవుతున్నాయి.

ఆదికేశవ్ సినిమా రివ్యూ & రేటింగ్!

కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!