ఇంట్రెస్టింగ్ స్క్రిప్ట్ తో ఎన్టీఆర్ కోసం సిద్ధంగా ఉన్న సుకుమార్

టాలీవుడ్ మోస్ట్ వాంటెడ్ హీరోలలో యంగ్ టైగర్ ఎన్టీఆర్ ఒకరు. గత కొన్నాళ్లుగా ఆయన క్రేజ్ విపరీతంగా పెరిగిపోయింది. ఇక ఆర్ ఆర్ ఆర్ తరువాత ఆయన పాన్ ఇండియా స్టార్ గా అవతరించడం ఖాయం అని చాల మంది అంటున్నారు. ఇక సినిమా అవకాశం కోసం ఆయన వెంటబడే దర్శకుల జాబితా కూడా ఎక్కువైపోయింది. ఇప్పటికే అట్లీ, ప్రశాంత్ నీల్, సంజయ్ లీలా భన్సాలీ వంటి పేర్లు వినిపిస్తుండగా కొత్తగా మరో పేరు వచ్చి చేరింది. టాలెంటెడ్ డైరెక్టర్ సుకుమార్ నెక్స్ట్ లిస్ట్ లో ఎన్టీఆర్ ఉన్నాడట.

ఆయన బన్నీతో పుష్ప ముగించిన అనంతరం ఎన్టీఆర్ తో ఓ భారీ ప్రాజెక్ట్ తెరకెక్కించాలని ప్రణాళికలో ఉన్నారట. ప్రస్తుతం ఆయన అల్లు అర్జున్ తో చేస్తున్న పుష్ప మూవీ వచ్చే ఏడాది సమ్మర్ కి రానుంది. ఎన్టీఆర్ కూడా ఆర్ ఆర్ ఆర్, త్రివిక్రమ్ మూవీల నుండి 2021 సమ్మర్ కల్లా ఫ్రీ అవుతారు. కాబట్టి ఎన్టీఆర్ తో మూవీ సెట్ చేయడానికి ఇదే సరైన సమయం అని ఆయన భావిస్తున్నారట. అందుకే ఓ పర్ఫెక్ట్ స్క్రిప్ట్ తో సిద్ధంగా ఉన్నట్లు సమాచారం.

ఇక గతంలో వీరి కాంబినేషన్ లో వచ్చిన నాన్నకు ప్రేమతో మంచి విజయం అందుకుంది. కాబట్టి సుకుమార్ స్క్రిప్ట్ నచ్చితే ఎన్టీఆర్ ఓ కె చేయడం అంత కష్టమైన విషయం కాదు. ఐతే ఎన్టీఆర్ దాదాపు ప్రశాంత్ నీల్ తో మూవీకి కమిట్ అయినట్లు గట్టిగా వినిపిస్తుంది. అదే కనుక జరిగితే మరి కొన్నాళ్లు సుకుమార్, ఎన్టీఆర్ కోసం వేచి చూడాల్సిన పరిస్థితి ఏర్పడుతుంది. సుకుమార్ కాంబినేషన్ లో మూవీ అంటే ఫ్యాన్స్ ని కూడా సంతోష పెట్టే అంశమే. మరి చూడాలి, ఎంత వరకు సుకుమార్ ప్రయత్నాలు సక్సెస్ అవుతాయో.

Most Recommended Video

అతి తక్కువ వయసులో లోకం విడిచిన తారలు
అత్యధిక ప్రీ రిలీజ్ బిజినెస్ చేసిన తెలుగు సినిమాలు…!