కొన్నేళ్ల క్రితం వరకు టాలీవుడ్ ఇండస్ట్రీలో నంబర్ వన్ మ్యూజిక్ డైరెక్టర్ ఎవరనే ప్రశ్నకు దేవిశ్రీ ప్రసాద్ పేరు సమాధానంగా వినిపించేది. స్టార్ హీరోలు సైతం తమ సినిమాలకు మ్యూజిక్ డైరెక్టర్ గా దేవిశ్రీ ప్రసాద్ కు ఛాన్స్ ఇవ్వడానికి ఆసక్తి చూపించేవారు. త్రివిక్రమ్ శ్రీనివాస్, సుకుమార్, కొరటాల శివ, మరి కొందరు ప్రముఖ డైరెక్టర్లు తమ సినిమాలకు మ్యూజిక్ డైరెక్టర్ గా దేవిశ్రీ ప్రసాద్ ను తీసుకోవడానికి ప్రాధాన్యత ఇచ్చారు.
అయితే ఈ మధ్య కాలంలో త్రివిక్రమ్ శ్రీనివాస్, కొరటాల శివ దేవిశ్రీ ప్రసాద్ కు ఛాన్స్ ఇవ్వడం లేదనే సంగతి తెలిసిందే. తాజాగా సుకుమార్ సైతం దేవిశ్రీ ప్రసాద్ కు హ్యండ్ ఇచ్చారని తెలుస్తోంది. సుకుమార్ రైటింగ్స్ బ్యానర్ పై అశిష్ హీరోగా ఒక సినిమా తెరకెక్కనుండగా ఈ సినిమాకు మిక్కీ జే మేయర్ మ్యూజిక్ డైరెక్టర్ గా ఎంపికయ్యారు. అశిష్ దిల్ రాజు సోదరుడి కొడుకు కావడంతో పాటు ఈ సినిమాకు బడ్జెట్ సమస్యలు అయితే లేవు.
కుమార్21ఎఫ్ కూడా చిన్న సినిమా అయినప్పటికీ ఆ సినిమాకు సుకుమార్ దేవిశ్రీ ప్రసాద్ ను తీసుకున్నారనే సంగతి తెలిసిందే. అయితే ఈ ప్రాజెక్ట్ కు మాత్రం సుకుమార్ దేవిశ్రీ ప్రసాద్ ను తీసుకోకపోవడం గమనార్హం. పుష్ప ది రైజ్ సినిమా పాటలు హిట్టైనా దేవిశ్రీ ప్రసాద్ కు వరుసగా ఆఫర్లు రాకపోవడం గమనార్హం. స్టార్ డైరెక్టర్లు వరుసగా దేవిశ్రీ ప్రసాద్ కు ఎందుకు దూరమవుతున్నారో తెలియాల్సి ఉంది. దేవిశ్రీ ప్రసాద్ భారీస్థాయిలో పారితోషికం తీసుకుంటూ ఉండటం వల్ల కూడా ఆయనకు అవకాశాలు తగ్గుతున్నాయని మరి కొందరు భావిస్తున్నారు.
దాదాపుగా రెండు దశాబ్దాల పాటు దేవిశ్రీ ప్రసాద్ హవా కొనసాగగా థమన్ మ్యూజిక్ అందించిన సినిమాలు వరుసగా సక్సెస్ సాధిస్తుండటం థమన్ బీజీఎంకు ప్రశంసలు దక్కుతుండటంతో థమన్ కు సినిమా ఆఫర్లు అంతకంతకూ పెరుగుతుండటం గమనార్హం.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home