సుకుమార్ టార్గెట్ చేసింది ఆ నిర్మాతనేనా ??

సెన్సిబుల్ డైరెక్టర్ సుకుమార్ నిర్మాణ సారద్యంలో రూపొందిన తాజా చిత్రం “దర్శకుడు” గత శుక్రవారం విడుదలై.. మిశ్రమ స్పందన తెచ్చుకొన్నప్పటికీ యావరేజ్ టాక్ తో ముందుకు సాగుతోంది. అయితే.. సినిమా చూసినవాళ్లలో చాలా మంది కొన్ని సన్నివేశాలు మాత్రం సుకుమార్ రియల్ లైఫ్ నుండి ఇన్స్పైర్ అయ్యి తీసినవని.. దిల్ రాజుకు “ఆర్య” కథ చెప్పి ఒప్పించడం దగ్గర్నుంచి చాలా సందర్భాలను కథ కోసం ఇన్స్పైర్ అయినట్లు తెలుస్తోంది.

అయితే.. పర్టీక్యులర్ గా ఒక సన్నివేశంలో మాత్రం.. కావాలనే తాను తీసిన టిపికల్ సినిమా ప్రొడ్యూసర్ ను టార్గెట్ చేశాడని అనుకొంటున్నారు సినిమా చూసిన జనాలు. సినిమాలో.. ఎడిటింగ్ అయిపోయిన సినిమా చూసిన డిస్ట్రిబ్యూటర్స్ అందరూ ఐటెమ్ సాంగ్ కావాలని ఆడుతున్నారని ప్రొడ్యూసర్ డిమాండ్ చేస్తాడు.

కానీ.. సినిమాలో ఐటెమ్ సాంగ్ యాడ్ చేయడం వల్ల సినిమా ఔట్ పుట్ పాడయ్యే అవకాశం ఉందని దర్శకుడు సీరియస్ గా తన ఫైనల్ డెసిషన్ చెప్పి.. తన పంతాన్ని నెగ్గించుకొంటాడు. నిజజీవితంలో సుకుమార్ ప్రొడ్యూసర్ ఫోర్స్ ను తట్టుకోలేక ఐటెమ్ సాంగ్ తనకు ఇష్టం లేకపోయినా పెట్టాడు. ఆ కోపాన్ని కావాలనే “దర్శకుడు” సినిమా ద్వారా వెళ్ళగక్కాడని ఇండస్ట్రీ ఇన్సైడ్ వర్గాల టాక్. మరి సుకుమార్ అంత ఇష్టం లేకుండా ఐటెమ్ సాంగ్ యాడ్ చేసిన ఆ సినిమా ఏంటనే విషయం మీ ఊహాకే వదిలేస్తున్నాం.

Also, do SUBSCRIBE to our YouTube channel to get latest Tollywood updates.