సమ్మర్ మొదలైంది.. సినిమాల సందడి మొదలైంది.. ఇప్పటికే సినిమాలు పూర్తయినవాళ్లు సినిమా ప్రచారంలో పడితే.. సినిమాల షూటింగ్ అవుతున్న వాళ్లు సెట్స్‌కి వెళ్తున్నారు. అయితే కొందరు మాత్రం టూర్లకు రెడీ అవుతున్నారు. విదేశాలకు చెక్కేసి కొన్ని రోజులు రెస్ట్‌ తీసుకునే పని మొదలుపెట్టారు. ఇంకొందరు అయితే వెకేషన్‌, సినిమా షూటింగ్ ఒకే దగ్గర పెట్టుకుంటూ రెండు పనులు అయ్యేలా చూసుకుంటున్నారు. ప్రస్తుతం టాలీవుడ్‌ హీరోలు కొంతమంది ఇలా టూర్లకు రెడీ అవుతున్నారు. ఎవరెక్కడి వెళ్తున్నారంటే..
మన హీరోలు వీలు దొరికితే విదేశాలకు చెక్కేస్తూ ఉంటారు. కరోనా పరిస్థితుల నేపథ్యంలో గత కొన్నేళ్లుగా సరిగ్గా ట్రిప్‌లకు వెళ్లలేదు. అయితే ఇప్పుడు వెళ్తున్నారు. ప్రస్తుతం టాలీవుడ్‌లో చూస్తే.. మహేష్ బాబు మరో రెండు మూడు రోజుల్లో విదేశాలకు వెళ్తారట. త్రివిక్రమ్ సినిమాను మరో 20 రోజుల తర్వాతే షురూ చేస్తారట. ఈ లోపు మహేష్ కుటుంబంతో కలసి సమ్మర్ హాలీడేస్ అక్కడే ఫినిష్‌ చేస్తారట. నమ్రత ఇప్పటికే విదేశాల్లో ఉన్నారని సమాచారం. మహేష్ అయితే తరచుగా దుబాయి వెళ్తుంటారు.
పవన్‌ కల్యాణ్‌ అయితే చిన్న ట్రిప్‌ (Summer Trips) కోసం ఇప్పటికే విదేశాలకు వెళ్లారు. రాజస్థాన్‌ నుండి ఆయన విదేశాలకు వెళ్తున్న ఓ వీడియో ప్రస్తుతం సోషల్‌ మీడియాలో వైరల్‌గా మారింది. భార్య, పిల్లలతో ఆయన ఎయిర్‌ పోర్ట్‌లో కనిపించారు. అయితే ఎక్కడకు వెళ్తున్నారు అనేది తేలాల్సి ఉంది. రామ్‌చరణ్‌, అల్లు అర్జున్ కూడా ట్రిప్‌లకు ప్లాన్స్‌ వేస్తున్నారట. అయితే వీరికి ట్రిప్‌లు పెద్ద కొత్తకాదు. కాస్త సమయం చిక్కినా విదేశాలకు చెక్కేస్తుంటారు.
యువ హీరో శర్వానంద్ ప్రస్తుతం లండన్‌లో ఉన్నాడు. మే నెలాఖరు వరకు అక్కడే షూటింగ్ అంటున్నారు. ఆ తర్వాత తిరిగి హైదరాబాద్‌ వచ్చేస్తారట. ఇక మరికొంతమంది యువ హీరోలు ఈ నెలాఖరులోపు విదేశాలకు ట్రిప్‌లు కట్టేస్తున్నారని టాక్‌. మరికొద్ది రోజుల్లో ఆ వివరాలు బయటకు వచ్చే అవకాశం ఉంది. ఇక కొంతమంది యువ దర్శకులు ట్రిప్స్‌ ప్లాన్‌ చేస్తుండగా.. స్నేహితురాళ్లతో కథానాయికలు కూడా ట్రిప్‌లకు సిద్ధంగా ఉన్నారట.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home