ఈ లాక్ డౌన్ సమయంలో నిఖిల్, ‘రంగస్థలం’ మహేష్, నిర్మాత దిల్ రాజు(రెండో పెళ్లి) … వంటి వారు పెళ్లిళ్లు చేసుకున్న సంగతి తెలిసిందే. ఇక నితిన్, రానా వంటి హీరోలు కూడా పెళ్లికి రెడీ అవుతున్నారు. నితిన్ పెళ్లి అయితే ఏప్రిల్ లోనే జరగాల్సింది.. కానీ వైరస్ మహమ్మారి వల్ల వాయిదా పడింది. ఇక రానా పెళ్లి ఆగష్ట్ 8న ఉంటుందని ప్రకటించిన సంగతి తెలిసిందే. ఇంకా ఎంతో మంది టాలీవుడ్ నటీనటులు కూడా పెళ్లిళ్లు చేసుకోవడానికి రెడీ అవుతున్నారని టాక్.
ఒక్కసారి మళ్ళీ షూటింగ్లు మొదలైతే.. ఖాళీ టైం దొరకడం చాలా కష్టం. కాబట్టి ఈ ‘ఫ్రీ టైంలో పెళ్లి చేసేసుకుంటే ఓ పనైపోతుంది’ అని చాలా మంది నటీనటులు భావిస్తున్నారట. ఈ లిస్ట్ లో తాజాగా సందీప్ కిషన్ కూడా చేరినట్టు తెలుస్తుంది. ఇప్పటికే పిల్లని వెతికే పనిలో అతనికి కుటుంబ సభ్యులు బిజీగా ఉన్నట్టు సమాచారం. సందీప్ కిషన్ వయసు కూడా 33 ఏళ్ళు.టాలీవుడ్ మోస్ట్ ఎలిజిబుల్ బ్యాచిలర్స్ లో ఇతను కూడా ఒకడు. పైగా ప్రముఖ సినిమాటోగ్రఫర్ చోటా కె నాయుడు మేనల్లుడు కాబట్టి ఇతని పై కూడా ఫోకస్ ఎక్కువగానే ఉంది.
అంతేకాదు ఇతను తెలుగుతో పాటు తమిళంలో కూడా సినిమాలు చేస్తూ వస్తున్నాడు. ఏడాదికి ఇతని సినిమాలు కనీసం 3 అయినా రిలీజ్ అవుతూ ఉంటాయి. కాబట్టి ఇతనికి క్షణం తీరిక ఉండదు. అందుకే ఈ లాక్ డౌన్ ముగిసేలోపు పెళ్లి చేసుకుంటే.. ఓ పనైపోతుందని భావిస్తున్నాడట. ఇక అతనికి కాబోయే భార్య.. ‘స్మార్ట్, స్ట్రాంగ్ మరియు స్ఫూర్తిని ఇచ్చే అమ్మయి’ అయ్యి ఉండాలని.. సందీప్ ఓ సందర్భంలో చెప్పుకొచ్చిన సంగతి తెలిసిందే. మరి అలాంటి అమ్మాయి ఇతనికి ఎప్పుడు దొరుకుతుందో చూడాలి..!
Most Recommended Video
మేకప్ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్మగల్ వందాల్’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
