‘ఫ్యామిలీ మ్యాన్‌’ సిరీస్ అనగానే మనకు ముందుగా గుర్తొచ్చేది మనోజ్‌ బాజ్‌పాయ్‌. రెండో సీజన్ వచ్చాక సమంత కూడా గుర్తొస్తుంది అనుకోండి. అయితే ఈ ఇద్దరూ కాకుండా మరొకరు కూడా గుర్తొస్తారు. అతనే సందీప్‌ కిషన్‌. ‘ఫ్యామిలీ మ్యాన్‌ 1’ సీజన్‌లో మేజర్‌ విక్రమ్‌ అనే పాత్రలో కనిపించి మెప్పించాడు సందీప్‌ కిషన్‌. అయితే రెండో సీజన్‌లో లేడు. కానీ త్వరలో మొదలుకాబోతున్న మూడో సీజన్‌లో సందీప్‌ కిషన్‌ నటించబోతున్నాడు.
రెండు సీజన్ల ఘనవిజయాల తర్వాత ‘ఫ్యామిలీ మ్యాన్‌’ క్రియేటర్స్‌ రాజ్‌ అండ్‌ డీకే త్వరలో మూడో సీజన్ షూటింగ్‌ మొదలుపెట్టనున్నారు. దీనికి సంబంధించి ప్రస్తుతం ప్రీ ప్రొడక్షన్‌ పనులు జరుగుతున్నాయి. మరోవైపు కాస్టింగ్‌ ప్రాసెస్‌ కూడా పూర్తి చేస్తున్నారట. ఈ క్రమంలోనే సందీప్‌ కిషన్‌ను కొత్త సీజన్‌లో కీలక పాత్ర కోసం తీసుకుంటున్నారట. అయితే ఆ పాత్ర ఎలా ఉంటుంది, తదితర వివరాలు బయటకు రాలేదు. ఇక మూడో సీజన్ కాన్సెప్ట్‌ తీసుకుంటే…
తొలి రెండు సీజన్లకు భిన్నంగా ఈశాన్య రాష్ట్రాల నేపథ్యంలో మూడో సీజన్‌ను రూపొందిస్తారట. అయితే కొవిడ్‌ – 19 పరిస్థితుల నేపథ్యంలో ఈ సిరీస్ ఉంటుందనే వార్తలూ వినిపిస్తున్నాయి. కరోనా మహమ్మారి, చైనా ప్రమేయం తదితర అంశాలను ఈ కొత్త సిరీస్‌లో ప్రస్తావిస్తారని అంటున్నారు. ఇంకొందరు అయితే చైనా దాడుల నేపథ్యంలో తీస్తారని అంటున్నారు. దీనిపై త్వరలో స్పష్టత వచ్చే అవకాశం ఉంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
