పవన్ – త్రివిక్రమ్ సినిమాలో సునీల్..?

పవన్ – త్రివిక్రమ్ మధ్య సినిమాలకు అతీతమైన స్నేహ సంబంధం ఉందన్నది అందరికీ తెలిసిందే. అయితే దీనికంటే ముందే త్రివిక్రమ్ – సునీల్ మధ్య మైత్రి ఉంది. ఒకేసారి సినిమాల్లోకి వచ్చిన వీరిద్దరు ఇప్పుడు తమ తమ సినిమాలతో బిజీగా ఉన్నారు. సునీల్ హీరోగా మారాక కూడా ‘ఖలేజా’ వరకు త్రివిక్రమ్ సినిమాల్లో నటిస్తూనే ఉన్నాడు. తర్వాత పూర్తిగా హీరో పాత్రకే పరిమితమైన సునీల్ మళ్ళీ త్రివిక్రమ్ సినిమాలో కనిపించనున్నాడన్న వార్త హల్చల్ చేస్తోందిప్పుడు.

త్రివిక్రమ్ పవన్ తో ఓ సినిమా చేస్తోన్న సంగతి తెలిసిందే. జనవరిలో సెట్స్ మీదికి వెళ్లనున్న ఈ సినిమాలో ఓ ముఖ్య పాత్రలో కనిపించనున్నాడట. సునీల్ హీరోగా హిట్ కొట్టిన దాఖలాలు లేవు. అయితే త్రివిక్రమ్ మనసు పెడితే అది పెద్ద కష్టం కాదు. దానికి నాందిగానే ఈ సినిమా అన్న గుసగుసలు వినపడుతున్నాయి. త్రివిక్రమ్ అనగానే హాస్యం, సెంటిమెంట్ తప్పనిసరి. మరోవైపు ఈ సినిమా పొలిటికల్ డ్రామా అన్న ప్రచారం జరుగుతోంది. గనక సునీల్ ఇందులో కామెడీ చేస్తాడా లేక సెకెండ్ హీరో టైపులో ఏదైనా సీరియస్ రోల్ చేస్తాడా అన్నది చూడాలి. కామెడీ అయితే చిరు సినిమాలో ఎందుకు అవకాశం వదులుకుంటాడు..?