కమెడియన్ సునీల్ ఇండస్ట్రీకి వచ్చిన కొత్తలో తనదైన మార్క్ తో సిల్వర్ స్క్రీన్ పైన ఎంటర్ టైన్ చేసి నవ్వించాడు. తనకంటూ ఒక ప్రత్యేకమైన గుర్తింపుని తెచ్చుకున్నాడు. తర్వాత హీరోగా మారి మరో యాంగిల్ ని కూడా చూపించాడు. కొన్ని భారీ ఎమోషనల్ క్యారెక్టర్స్ కూడా చేసి తనలోని విలక్షణత్వాన్ని చాటుకున్నాడు. రీసంట్ గా వచ్చిన కలర్ ఫోటో సినిమాలో విలన్ గా చేసి సరికొత్త కోణాన్ని ప్రేక్షకులకి రుచి చూపించాడు.
హీరోగా మాత్రం ఆశించిన సక్సెస్‌ లు రాకపోవడంతో హీరో పాత్రల నుంచి సైడైపోయాడు. ప్రస్తుతం విలన్ గా తన నటనని చూపించాలనుకుంటున్నాడట మనోడు. అందుకే, కలర్ ఫోటో సినిమాలో నెగిటివ్ షేడ్ లో కనిపించి అందరికీ షాక్ ఇచ్చాడు. ఇప్పుడు ఇదే ఊపులో స్టార్ హీరోల సరసన కూడా విలన్ గా చేయాలని అనుకుంటున్నాడట. అందుకే, అల్లు అర్జున్‌ పుష్ప సినిమాలో విలన్ గా సునీల్‌నటించనున్నాడని వార్తలు సోషల్ మీడియాలో హల్ చల్ కూడా చేశాయి. కానీ , ఆ సినిమాలో విలన్ గా సునీల్ చేయడం లేదని తేల్చేశారు. అయితే, ఇప్పుడు ఎన్టీఆర్ త్రివిక్రమ్ సినిమాలో ఒక నెగిటివ్ పాత్రలో కనిపించనున్నాడని టాక్ వినిపిస్తోంది.
ట్రిబుల్ ఆర్ సినిమా తర్వాత త్రివిక్రమ్ డైరక్షన్‌ లో తారక్‌ చేయనున్న సినిమాలో సునీల్ ని విలన్ గా తీసుకుంటున్నారని టాక్. ఇంతకుముందు వీరి కాంబోలో వచ్చిన అరవింద సమేతలో ఎన్టీఆర్ ఫ్రెండ్‌ గా నీలాంబరిగా నటించాడు సునీల్. ఇప్పుడు నెగిటివ్ షేడ్ లో పూర్తి స్థాయి విలన్ గా చేయబోతున్నాడట. ఇది నిజమైతే సునీల్ ఇక విలన్ గా టాలీవుడ్‌ లో సెటిలైపోయినట్లేనని సినీ విమర్శకులంటున్నారు. అదీ విషయం.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
