త్రివిక్రమ్ పిలుపుకోసం ఎదురుచూస్తున్న సునీల్

సినిమాల్లోకి ప్రేవశించక ముందు నుంచి త్రివిక్రమ్, సునీల్ బెస్ట్ ఫ్రెండ్స్. అప్పటికీ ఇప్పటికీ ఇద్దరి మధ్య మంచి స్నేహం కొనసాగుతోంది. త్రివిక్రమ్ రచయితగా ఉన్నప్పుడు స్నేహితుని కోసం మంచి రోల్స్ రాసేవారు. డైరక్టర్ గా మారిన తర్వాత కూడా అతడు, జల్సా, ఖలేజా చిత్రాల్లో బెస్ట్ రోల్స్ ఇచ్చి ప్రోత్సహించారు. అయితే సునీల్ హీరోగా ఎదిగిన తర్వాత త్రివిక్రమ్ సినిమాలో చిన్న పాత్రలు చేయలేదు. మిత్రుడు హీరోగా ఎదగాలని పిలవలేదు. అయితే ఇప్పుడు సునీల్ పరిస్థితి ఏమీ బాగాలేదు. అతను హీరోగా నటించిన చిత్రాలు వరుసగా బాక్స్ ఆఫీస్ వద్ద బోల్తా కొట్టాయి. అందుకే హాస్యనటుడిగా రీ ఎంట్రీ ఇవ్వాలని చూస్తున్నారు. అది త్రివిక్రమ్ సినిమా ద్వారా రావాలని కోరుకుంటున్నారు. ఆ విషయాన్నీత్రివిక్రమ్ కి చెబితే అతను ఓకే చెప్పారు. ప్రస్తుతం త్రివిక్రమ్ దర్శకత్వంలో పవన్ 25 వ సినిమా రూపుదిద్దుకుంటోంది.

ఇందులో సునీల్ కోసం ఓ మంచి రోల్ సిద్ధం చేశారు. అయితే ఆ పాత్రలో సునీల్ కంటే వెంకటేష్ అయితే సినిమాకి మరింత ప్లస్ అవుతుందని, వారి కాంబినేషన్ అదిరిపోతుందని చిత్ర బృందం చెప్పడంతో అలాగే చేశారు. పవన్, వెంకీ ఉన్న సీన్స్ షూట్ చేస్తున్నారు. ఈ విషయాన్నీ సునీల్ కి త్రివిక్రమ్ ముందే చెప్పాడంట. తన నెక్స్ట్ సినిమాలో మంచి కామెడీ రోల్ ఇస్తానని మాట ఇచ్చినట్లు ఫిలిం నగర్ వాసులు చెప్పుకుంటున్నారు. మళ్ళీ సునీల్ మార్క్ కామెడీ కోసం మనం మరికొన్ని రోజులు ఎదురుచూడాలన్న మాట.

Also, do SUBSCRIBE to our YouTube channel to get latest Tollywood updates.